是咁的，我同女神做咗鄰居: 182.

嘿嘿，講真啊童又點會知我係咪打緊機吖，佢一Cut線我緊係即刻去搵啊正問佢仲打唔打啦。

「喂，我又打得機啦~打唔打呀，好難得有一日可以打咁耐機。」

「打，緊係打啦。」

啊正一口答應。

我都唔明啊童點解會覺得自己可以知道我有冇打機，明明佢就冇可能知。





「開排位打啦，打返鋪雙排先。」啊正說。

「嚟吖，等你帶我上分呀。」我磨拳擦掌興奮地說。

遊戲不久後便開始了，我很快便找回手感，贏了第一局，

但第二局剛開始不久，我的電話便響起了。

我一看來電顯示...





你地無L估錯，打嚟既正正就係啊童。

「啊童打嚟，我聽一聽先，好快返嚟。」我對啊正說。

我之後立即將喇叭音量調到最細，(無錯雖然我打緊隻要聽聲既遊戲，但係我係懶得用耳機。)

然後再接過電話。

「喂？」我裝作沒事地接過電話。





「你唔會係打緊機㗎可~」啊童問。

「緊係唔係啦，我應承過你唔打㗎嘛，我而家喺度睇緊書呀，準備沖涼啦我，唔講住。」我隨便找個藉口打發啊童。

「不如唔好沖住陪我傾陣計先啦。」啊童像是猜得透我心思似的，死不讓我離去。

雖然去到之後諗返起我先知自己嗰時係幾咁on9，咁嘅理由都講得出，係人都知自己其實係打緊機啦。

「我都想呀，但係我再唔沖啊媽又鬧我㗎啦，我沖一沖涼好快啫，沖完即刻打俾你。」我說。

「咁好啦...你去沖啦。」啊童的態度突然一百八十度轉變，竟然容許我離去。

「嘻，幾時都話我女朋友最好人。」我說。

但啊童已經Cut了線。





見啊童主動Cut線，我也沒想太多，立即繼續打機。

「喂正哥返嚟啦我，繼續繼續，我地應該仲未輸㗎嘛？」

「未...就快啫，你而家跑過嚟都仲挽救得到今局嘅。」

「得得得，而家即刻嚟。」

過了一會，打到第四局時，我的電話突然響了一下。

我趁著空檔看了一下電話，看到那刻，我腦裏頓時出現了一隻很可愛的動物。

金翅仆街鳥。





童：打你嘅機啦，唔洗理我㗎啦。

我：我真係真係唔係打緊機，點解你唔信我啫？

童：又話好急住沖涼嘅？頭先咁急收線點解而家你覆到我㗎呢請問。

又被她擺了一道，我竟然忘記了這個問題，一見到她的訊息便不加思索地回覆了她。

我：我其實入去沖一沖身，所以好快出嚟，一出嚟就見到你嘅MSG啦，所以先覆到你咋。

童：咁請問你又點解釋呢一幅相？

她把一張相傳了過來。

我看到那張相後腦裏又又想起第二隻可愛的動物，玩撚猿。









跪求大家Follow我既IG: MaanYin05