是咁的，我同女神做咗鄰居: 199.

「嘟嘟嘟」正當我打機打到緊張關頭時，我的電話突然響起。

 「邊L個呀...」我不滿地嘟嚷著。

 我看了一眼來電顯示，又是啊童。 

無奈之下我只好犧牲今場比賽，接過電話。 

「喂。」我盡量壓抑著自己內心焦急之情。 





「點呀，又打緊機呀？」 

「呃...係呀，做咩呀？」

 「無，因為Suki同係班會嚟㗎嘛，咁所以我地諗住聽日早啲約埋一齊去買野，你嚟唔嚟吖？」

 「哦，好呀，我叫埋啊正佢地吖。」 

「咁你繼續打機啦，我覆返Suki先。」她說完便掛了線。





 我呆了一呆，沒想到她這次竟會這麼快便掛線。

 不安的我立即傳訊息給啊童。

 我：對唔住我我唔打機啦。

 童：你傻咗呀？我都冇嬲你，你咪繼續打囉，打完好去約啊正佢地啦。 

我頓時放下心頭大石。 





我：多謝女朋友大人！！！ 

原來只是自己想多了... 

有時都覺得自己比啊童搞到痴痴地線好敏感。 

我於是便繼續打機，之後再傳訊息約兄弟們。 

反正五點才集合，我們要買的東西也不多，

所以我便約了他們五點等。 

此時我突然想到一個免費獲得手套的方法。 

呵，我真是太聰明。 





時間一跳，就到了第二天三時半，

此刻的我早已換完衫，準備好出門口。

 會合啊童後，我們便直接前往學校附近的商場等候其餘人。

 「係呢，你應該仲未試過夜晚留係學校㗎可，我同你講，我地學校夜晚望出去，係超超超靚，仲可以望到個個唔知幻乜7濕9香江。」等待時我興奮地跟啊童說。 

「真係㗎~你就好啦，之前試過兩次夜晚留係學校，好似好靚咁呀！」啊童一臉期待地說。 

「咪住先，你唔係有夜盲㗎咩？」我心生疑問。

 「我係睇到光既地方既，即係個度著燈我會睇到，但係佢周圍就會係漆黑一片囉，所以我睇既唔係夜景，係好多好多盞燈，不過都一樣靚既。」啊童向我解釋。 





「原來係咁，咦...佢地嚟啦喎。」我看著正步進商場的啊正及他身後的兄弟們說。 

過不了多久，Suki也到了。

 「喂各位各位，一陣就好熱既，你地唔會真係諗住燒㗎嘛。」我問他們。

 「屌你件垃圾，走去怕熱，我就真係會燒既。」Suki說。

 「我都會燒㗎。」啊童說。 

「你地呢？」我把希望投放到兄弟們身上。

 「緊係唔會燒啦on9，熱死人呀大佬。」魚蛋說。

 其他人也一一附和。 





「嗱咁得喇，啊童同Suki你兩個自己去買野，我地去食返個KFC加攞手套先。」 

「痴線㗎你地，冇時間㗎嗱，仲食野。」啊童說。 

「你就痴線，手套駛乜買㗎啫，攞咪有囉，你都係要膠手套攞嘢食咋嘛，我地係去完成自己既任務，加食野，ok？」 

「算，你地自己搞掂，我唔理你地，總之一陣我要有手套用。」啊童說完後便拉著Suki離去。



跪求大家Follow我既IG: MaanYin05