之後到了星期一,即本學年的結業禮,亦是啊童最後一次回到這間學校的日子。

 「點呀,最後一次返呢間學校,又或者應該咁講,最後一次同我一齊咁樣返學,有咩感覺呀?」 

「吓...唔捨得囉,雖則只係喺呢間學校讀咗一年,但都係有啲唔捨得嘅。」啊童若有所思地看著天空說。 

「呢年嚟差唔多日日都同你一齊返學,無咗你我都唔知點算,唉。」我握緊她的手。

 「咁你以前都無我陪㗎啦,咪又係咁。」 



「點同呢,你無聽過個句咩我本可承受唔知乜柒黑暗,若我不曾見過陽光咩,同你一齊開心咁多,以前自己一個返學孤零零好悶㗎。」我裝作可憐,把頭靠在啊童的肩膊上。 

「妖死開啦,男人老狗扮咩慘啫。」啊童笑著推開我。 

「咁係吖嘛,童童~」

 「得喇得喇知你慘喇。」啊童沒好氣地說。

 回到學校,如一年前的開學禮一樣,大家直接上禮堂。



 有別於以往,這次我不再是跟班坐,

而是坐在前排,因為我獲得了進步獎,而啊童當然也有獲獎,所以她都是坐在前排。


 例牌校長廢噏一輪,然後就到了頒獎時間。 

好難得,好難得我竟然有一日會係結業禮上到台攞獎,

今次真係要多謝啊童,無佢督促我應該仲係台下面同班兄弟玩緊。




 結業禮完結後,各班回到自己班房,

待班主任交待完畢所有事務我們就可以放學。


 說真的,這還是頭一回我不想放學。

 因為放學就意味著我再也不能跟啊童在同一班房上課。 

可惜,我沒有能力阻止時間流動,時針只會繼續往前走。

 除非我把時針拆下來...嗯,不失為一個好方法。 

「好喇,我地下年見啦,如果我仲有機會教你地嘅話。」Mr Wong在派發完畢所有物品後說。 

這一句,結束了我們這個學年。 



他離去後,我們沒有急著放學,

反而是跟啊童在校園的每一個角落拍照。
 

「嗱筆呀,你地簽啦。」她把筆交給我們。

 待其他人全都簽完後,便輪到我了。

 嘿嘿,簽在哪裏好呢。 

其他人全都簽背部...我...

不行不行,一定要找個特別一點的位置。




 「嗱啊童,我係你男朋友嚟㗎嘛係咪?」

 「咁點吖?」 

「係咪應該簽個特別啲嘅位置呢?」 

「例如呢?」 

「我應該簽係你個心附近囉。」我色瞇瞇地看著她的胸...呃心臟說。

 「你就想呀!簽背脊。」她背向我。

 「吓,剩係得支筆掂到啫...你諗下,你日後攞返套校服出嚟,見到零零舍舍心口位置有你男朋友個名,係咪好Sweet先?」我極力游說啊童。

 「嚟啦嚟啦,好快咋嘛。」我見啊童沒有反應,於是補多一句。 



「係囉係囉啊童,佢咁想簽咪比佢簽下囉。」Suki竟然也會幫口,雖然我猜她是想食花生。

 「唉好啦好啦。」啊童轉過身來。






原本話今日停更一日,但係因為IG過咗400fol,咁於是又加更,結果啫係無變到,我又再次要七點爬落床打文。
跪求大家Follow我既IG: MaanYin05
已有 0 人追稿