是咁的，我同女神做咗鄰居: 221.

「點解你可以咁大力㗎...」還在感受著那衝擊力的我乏力地問。 

「你不如問下點解你可以咁廢好過啦，快啲起身落去晨跑啦。」啊童輕輕扯了扯我的衣服。

 「原本都得嘅，但係而家咁樣撞一撞個人好暈呀，唉呀我唔得喇。」我假裝合上眼。 

「喂呀，陪我去啦...」她撒嬌。 

一聽到她這把聲，這個樣子，我就不禁開始心軟了。





 「嚟啦嚟啦，我地得返唔係好多時間㗎咋。」她玩弄著我的右手。 

「唉好啦好啦，落去晨跑喇。」我依然閉著雙眼，嘴巴微微打開吐出這幾隻字

。 「Yeah！」她快速親了我一口，然後就從我床邊下去了。 

得到了「鼓勵」的我秒速變得精神抖擻，從床上起來。 

「咦，又突然咁快起到身嘅你？」剛步出我房間的啊童不解地問。





 「緊係啦，陪你晨跑吖嘛，點可以唔早啲起身呢？」

 「頭先又唔見你係咁，快啲呀！跑完順便去食早餐。」啊童笑著走回來踢了我一腳。

 「得啦得啦，你出唔出去㗎？定你要睇住我換衫？」

 「嘩不了，走先你慢慢。」啊童嚇得立即逃離現場。 

「挑，驚乜啫，有著底褲㗎嘛。」我一邊脫下褲子一邊說。





 換好衫加梳洗好後，我便走出去客廳找啊童。 

「行得！」我穿上跑鞋。

 「好！」啊童從沙發上起來。 

這時我才有機會好好打量啊童的打扮，她把頭髮紥了起來，

再加上一條運動頭帶，穿了一件跑步背心及短褲。 

「借開啦，我要著鞋呀望望望。」啊童把我推開。 

「唔好意思囉。」無辜比人推開了的我說。

 之後我們便走到了平時的海旁開始跑步。





 原本我還以為時候這麼早應該沒有太多人，但看來是我想太多了，

此刻的海旁甚至比平時黃昏時更為熱鬧。 

絕大多數人都是一堆上了年紀的叔叔姨姨，更是顯得我們奇怪。

 哪有年青人會這麼健康及自律一大清早走來晨跑。

 「跑喇喂。」啊童在我面前揮一揮手，把正在沉思著的我拉回現實。 

「喔。」我跟在啊童後面跑。

 「嗄...抖下先啦。」跑了十分鐘後的我已經感到全身乏力了。 





「唔得呀唔得呀，至少要跑半個鐘先有用㗎。」啊童把速度放慢，與我平排而跑。

 「好攰呀...」雙腿無力再動的我，靠著自己強大的意志力，得以繼續前進。 

「唔...一係咁，你係去到海旁盡頭之前追到我嘅話...你可以許個願望，能力範圍內嘅盡做，當然唔可以叫我唔好走。如果你追唔到我就我可以許個願望。」啊童想了想後說。

 「係咪先？唔好反口喎。」聽到這句說話的我立即重新振作起來。 

「得啦唔反口，你鍾意點就點。」她說完這句後便加速一溜煙的跑走了。

 「嗱你話㗎！」我在後方大叫，同樣加速向前爆發。









跪求大家Follow我既IG: MaanYin05