是咁的，我同女神做咗鄰居: 231.

煮好杯麵，我就同啊童一齊坐係張枱前面食，

睇住電視再加多罐汽水外加頭先食剩嘅薯片，真舒服。 

「你執埋啲嘢去啦。」她吃完後就跳上床躲在被窩裏看電話，遺下枱面上的一大堆垃圾。

 「你真係輕鬆，食完就拍拍籮柚走人，我就要幫你執埋啲嘢去。」我向她抱怨。 

「咁你係咪唔執吖！」她狠狠地瞪了我一下。 





「唔係唔係。」看到這個眼神我立即動手清理枱面。

 猶如戰亂現場的桌子，足足花了我十分鐘才清理好，

又要倒掉杯麵的湯，又要把剛才掉得滿枱是的薯片碎屑掃走。 

「呼，終於搞掂。」我伸了伸懶腰。

 「瞓未呀，好攰呀我。」





 「吓你啱啱先食完杯麵未消化完喎。」 

「咁過多十分鐘瞓啦下。」說罷她又重新把注意力放回自己電話上。 

「真舒服。」這次輪到我跳到床上。 

啊童斜眼看了看我，然後大力向我一踢，把我從床上踢走。

 「哈廢柴，咁就俾我踢走咗luuuu~」她向我做個鬼臉。





 「你...你咁做有咩意義...無端端做咩要踢走我...」」我不解地問她。 

「無㗎，悶吖嘛，咁又睇你唔順眼，咁咪踢你落床囉。」她奸笑著說。

 「咁都得！？」 無辜被推倒的我不忿地起身，

然後伸手一捉，捉住了啊童其中一隻腳，往後一拉。 

「嘩！」伴隨著啊童的一聲驚呼，她半個身子就已經被我拉出了床的範圍之外。 

「哼，踢我吖嗱~」我重新回到床上，回到自己的領地上。

 怎料不甘心的啊童竟抽起我靠著的枕頭，然後開始大力向我的頭部打下來， 

我立馬舉手格擋，然後趁她未準備好發動第二次攻勢的空隙時，

拿起她的枕頭向她反擊。 

「我個枕頭呀仆你個街！」眼見自己的枕頭被我拿走了的啊童更是大力的揮向我。

 幸好我及時反應得過來，一個閃身就化解了她的攻勢，

看準她沒有防備的腰間打下去， 但始終要守著不打女人這條原則，

因此我在快要打到她時收了收力，只是輕輕碰了碰她，

 豈料就是這一點婦人之仁，就被毫不留情的啊童擊中了我的頭頂。 

「哈！想同我鬥？」啊童再補多刀，打了我身體一下。 





「哎呀！我咁好人留力唔打你你竟然咁樣對我。」不願還擊的我護著頭倒在床上。 

「又無人叫你留力，你會唔會打打下仗留力唔殺個敵人吖？唔會吖嘛，咁就抵你死啦。」 

「咁我地又唔係敵人...」

 「唔好意思喎，我當咗你係添。」她笑著又再打多我一下。 

雖則枕頭沒有太大殺傷力，但被自己最愛的人親手一下一下打下來，心痛如刀割。 

ok好似我講得誇張咗少少，唔好意思。











跪求大家Follow我既IG: MaanYin05