到了第二朝,我被房外的陽光照醒,剛睜開眼,就看見我跟啊童的手仍然連著。 

原本打算起身的我一見此情此景,不敢輕舉妄動,

生怕動一動指頭都會把啊童弄醒。
 

不能下床但又睡不著的我唯有看著天花板發呆。

 等了十多分鐘,眼見再等下去也不是辦法,



於是我便嘗試慢慢移鬆開她的手。


 怎料我實在是沒有做忍者的天份,即使我已經很輕力,

但依然令到啊童驚醒過來,張開了眼睛,直直地看著我。


 「起身喇,落去食早餐喇。」我立時反應過來,假裝是要叫她起身,隱瞞自己失手的事實。

 「呵~幾點呀而家。」她伸一伸懶腰再打個呵欠。



 「八點到啦。」我看了一看電話。 

「唔…好攰呀,瞓多陣先,你落去求其買啲嘢返嚟食啦下。」她捽了捽眼睛,然後再次合上雙眼。 

「好吖,你瞓陣先啦。」幸好啊童沒有發現到事情的真相… 

接了聖旨的我立即梳洗好,然後便出去為啊童買早餐。 

我求其在一間茶餐廳買了兩碗沙牛麵就回到了B&B,



而理所當然地,啊童仍然在熟睡當中。


 「喂啊童,起身食早餐喇。」不知是不是心虛,我採用著與剛才一樣的方法叫醒她,我搖了搖她的手臂。

 「咁快嘅…俾多五分鐘我。」她說完便又再次重返夢中。

 聰明如我早已料到啊童會想繼續睡,

所以其中一碗沙牛我叫了分湯,而我當然就不會慢慢等啊童起床才跟她一起吃,

所以我便毫不猶豫自己先開始吃了。
 

「起身喇啊童,再唔起啲嘢就凍晒唔好食㗎喇。」吃到一半的我走過去把啊童叫醒。 

「起喇起喇。」她再伸一伸懶腰。



 「你而家明平時我瞓瞓下比你叫醒嘅個種感覺啦,快啲去刷牙然後過嚟食啦,買咗沙嗲牛肉麵比你食呀。」說罷我便回到自己的座位繼續進食剩下的麵。 

過了一會後,啊童才終於坐了過來跟我一起吃早餐。 

「嘩無晒湯嘅?」啊童問。 

「你碗湯係度呀,幫你叫咗分湯吖嘛。」我替她把湯倒進去。

 「好貼心呀~男朋友,抵錫!」啊童笑著說。

「駛乜講,我呢啲夠細心。」 啊童冷笑了一聲後便開始吃她的早餐。

 吃完後我們便輕裝出去四處散步,想不到我們年紀輕輕,



生活便已開始與老人家同步。
 

「咔嚓。」我刻意放慢速度,跟在啊童的後面,隨便拍下了她的背影。

 「你睇下我影得幾靚。」我上前向她展示剛才拍的照。 

「你偷影我!」怎料她第一句竟然是罵我。 

「唔係呀屌,呢個都唔係重點,你睇下張相先啦,係咪影得唔錯先。」 

「又好似真係唔錯嘅,幾好幾好,遲啲Send返比我。」她滿意地說。 

咁大家都估到張相有咩下場㗎啦,我就唔再多講。






跪求大家Follow我既IG: MaanYin05
已有 0 人追稿