是咁的，我同女神做咗鄰居: 239.

跟他們道別後，我便跟啊童回家了。 

「你執好晒啲嘢未呀？」 

「未。」她吐了吐舌說「仲有幾日，唔怕啦。」 

「你叫我點放心你一個吖你話，到而家都未執好啲嘢。」我模仿著她平時的語氣說。

 「妖。」她又打了我一下。 





「講下啫，咁都打...」

 「遲啲無得打你喎，緊係要而家打返夠本啦，啱啱先？」她理直氣壯地說。 

「唉，話咁快就得返五日。」我嘆了口氣說。 

「唔知點解呢個暑假好似過得特別快咁，結業禮就好似係早幾日發生咁樣，一眨眼就已經嚟到尾聲。」我繼續說。 

「個個暑假都過得快㗎啦，過得慢個啲就唔叫暑假啦，係咪？」她開玩笑說。 





「你又好似有啲道理喎，一年入面每次一到七八月我地就好似入咗時間過得特別快嘅異空間入面，一個唔覺意兩個月就過咗。」 她笑了笑後便沒有再回應。

 時間來到了八月最後一天，有鑑於她仍然未執拾好行李的關係，

於是我便自薦要過去協助她一起執拾，她自然就欣然接受了我的建議。 

一進到她家，就看見四處都是行李喼，都算是比它們濟得水洩不通。 

「唉有啲亂不過是但啦，你小心啲行就無問題。」啊童踢開沿路的雜物開出條路來，帶著我走進了她的閨房。





 「你執咗啲咩呀？」我看著她那整齊的房間問。 

「執咗？執咗廳啲嘢囉。」 

「啫係你無執過你間房啲嘢㗎？唔怪得之咁整齊啦。」 

「專登等你嚟幫我執嘢㗎，反正都無乜嘢要執。」她一回到房間便跳上了自己的床趴下來滑電話。

 「吖你真係當正我係你啊四咁㗎喎，小姐我點知你邊啲要邊啲唔要呀。」我沒好氣地說。 

「個啲衫褲呀全部塞晒入去就係啦，留返一兩件比我呢幾日著就ok啦，跟住就啲書就全部都好有回憶...照帶過去啦，枱上面啲文具都幫我包起佢啦最最最緊要係呢隻豬公仔，不過九月二號先執啦呢隻就，呢幾晚仲要攬住佢瞓。」

說來慚愧，我的那一隻已成為了角落生物，

她不說我都差點忘記了它的存在。 





「仲以為你好多嘢執添，咪又係得少少。」 

「咁好多嘢都唔會帶過去㗎嘛，剩係帶啲有用嘅嘢。」

 「嗱一係咁啦，我幫你執啲書，你就執啲衫，應該好快執完㗎啫。」

 「你幫我執晒所有嘢啦，張床好舒服唔想郁呀。」她在床上轉了轉身，面對著我。 

「我都未嗌辛苦你仲好意思唔幫手，難為我暑假最後一日仲要過嚟幫你呀。」我奪走她的手機。

 「幾好吖，暑假最後一日做呢個活動，都幾特別吖。」她苦笑著說。

 「係呀係呀，成世都記得添呀，個女朋友死都唔肯落床一齊執嘢。」我開始動手把她的書從書櫃上搬下來。







跪求大家Follow我既IG: MaanYin05