這時,我腦海中想起一句說話,解決了我的煩惱。 

所以不要為明天憂慮.因為明天自有明天的憂慮.一天的難處一天當就夠了-----馬太福音 6:34

 於是我便去了睡覺。 感謝神在此時此景解我煩惱。 

到了第二朝,我便知道自己距離受死又近了一大步,但現在還有時間,只要我在中午十二時前及時找到禮物,那我便能在這場殺戮遊戲中生存下來。 

可惜的是,直到我踏出門口那一刻,我仍然想不到可以送甚麼作為情人節禮物。 



「靚仔靚仔,請問你係咪諗唔到送咩俾女朋友呢。」才剛出門,我便在路上被一位妙齡少女攔截住。 

「errrr係主觀上嚟睇你唔可以話無。」

 「咁客觀上呢?」 

「無。」 

「咁就啱喇先生,你俾五十蚊我,我俾樣包你女朋友鍾意嘅禮物你。」



 「嘩你食水咁深嘅,好啦好啦五十蚊就五十蚊啦。」無辦法,錢太多就是這樣,你明知道會被人欺騙但仍甘心給她錢。 

「登登登凳!玫瑰花一支,多謝先生選用我嘅服務,歡迎下次再幫襯。」她說完後便轉身跑走。 

唉,現在騙徒的手法真是層出不窮。 

「屌呀,得支花有撚用咩。」於是我便拿著那一支花,緩緩步向火車站,亦即是我與啊童約好見面的地方。

 踏入火車站,我在人熙來攘往的人群之中試圖尋找啊童的身影,不消片刻,我便在云云人海之中看見了她。 只見她穿上了一件卡其色大衣,內裏配上一條長裙,對比起當天首次見她時,多添了幾分女人味。 



「呢位小姐,唔知點解我覺得你同呢朵花好似。」我在她面前揚起了剛才所買的玫瑰。 

「請問呢位先生你何以見得呢?」她假裝正經配合著我問。 

「唔...」於是我又把花放在她臉旁,認真打量著兩者。 

「你同朵花,一樣咁靚。」在將兩者比對一番後,我說出了這個結論。 

「算你啦~」她甜笑著一把抱著我。

 「同埋...充滿尖刺。」我在她耳邊輕聲說道。 

「死啦你。」她聞言立即狠狠打了我背部一下,就說嘛,她除了漂亮外還帶有尖刺。

 「行啦,去拍拖拖luuuuu。」為防我被繼續攻擊,我強行抓住她的手拉她前行。



 情人節,怎可以沒行程,所以我特意安排了絕佳的節目----行街食飯睇戲! 幸好幸好,她對是日行程十分滿意,皆因有一名帥男相伴,正是在下。

 「咦,你係咪有啲嘢未攞出嚟俾我呀?」要來的始終要來,而我在此希望廣大男性記住一個不爭的事實,啲女人呢好撚古惑㗎,佢地會係女廁到傾點殺男人,所以大家切勿掉以輕心,仲有就係佢地會扮到若無其事咁俾個陷阱你踩,啫係好似而家咁。

 「咩呀?」而裝傻就是其中一種很好用的保命手段。 

「你話呢?」不知大家有沒有見過一個號稱死亡微笑的emoji呢?現在我正前方就有一個活生生的死亡微笑emoji了。 

「哦,知啦,點會唔知啫,頭先諗住搞下氣氛啫,咁呀,唔知你有無聽過薛丁格的貓呢?係無觀察者嘅情況底下,佢既係生又係死,但係一有觀察者出現,頭先所講嘅狀態就唔存在喇。咁啱今次我送俾你份禮物都一樣喎,一有觀察者嘅出現,佢就會塌縮,咁就唔再係我原本想送俾你個份禮物喇,所以其實係有禮物嘅,只不過我地唔可以睇咁解。」

 「啫係無啦。」她殺意頓起,一個閃身來到我背面使出一招箍頸。 

「乜我對你嘅愛可以用禮物去衡量㗎咩?唔得咁㗎嘛。」來到此刻,我忍不住對她真情流露,不然,我就要死了。 



「其實我都好同意你嘅講法,所以,我都無準備到禮物俾你!」她笑著放開手。

 「豈有此理咁過份嘅事你都做得出,唔準走呀你。」說罷我便張開手打算抱住她。 

「嘩呀,咸濕佬白卡仔呀,走呀!」她咯咯笑著跑開,而我則活像一個痴漢般從後追著她。 

但其實,內心的我,舒了大大的一口氣,嚇撚死me了。

番外篇完。

好耐無寫咁多字了,所以請原諒如此垃圾嘅故事內容。

 很久不見,我都唔知我發生過咩事,不過人生嚟講,就小別勝新婚,隔咗一年先出下集是咪估我唔到呢。

 不過,故事同正義一樣,可能會遲到,但永遠唔會缺席,希望仲有人記得我,yeah! 



關於新故就,官方答案,寫緊寫緊,不過我已經寫咗年半咁解,有緣就會見到我出,well其實我同時間寫緊三定四定五個故事,所以就,慢慢等下。

 DSE來了,希望2023 DSEr們唔好考咁高分,如果唔係會顯得我好廢,大家祝我直入A1就好,多謝大家! 

IG你地都知㗎啦唔打出嚟了。
已有 0 人追稿