鬼殲: 最後一搏

洛天流終於開大絕，佢成個人溶左做血，血點快速四散系各個牆壁。由我施展系洗車屋內嘅護法都比佢嘅血破壞，護法本身作用系減弱外嚟者嘅法術。依加解鎖之後，我個腦諗緊仙界會點追究我冇申報實際法力嘅事。
 
系佢破壞結界同時，我做左一set手印，將開雙手，手掌位置浮空出現一個發光球體，球體內部有術式線條不斷流動，行內叫做破地丸。
我跪低，一手按落地下施陣，破地丸一落地就化成發光嘅水灘，水灘內依然有術式流動。行內比左個名，叫做破地灘。
 
黑紅血漬已經侵蝕東南西北四度牆壁，天花一樣。唯一發光水灘觸及之處就掩蓋左範圍內嘅血漬，但呢種法術需要好大嘅能量，我呢d啱啱學完師嘅道士仔未有修太多內功，能量唔夠，破地灘只夠掩蓋大部分地面位置，以不規則水灘形狀停止延伸。
 
好彩守得住地下冇比佢占據。
 
牆壁位置有一條尖柱伸向我，我立即避開。果d尖柱係源自血跡嘅，佢插向牆壁另一邊，非常之阻礙視線。好快另一條尖柱出現，喺度攻擊我，我好唔耐煩感一腳踢爛佢。




 
半個鐘前食左幾粒鐵體單強化身體，依加感覺到佢發揮效用。藥效令我全身熱血沸騰，再有幾支尖柱撞擊都比我用手打斷。
 
果d尖柱越出越多，多到好似保護緊鑽石嘅紅外線。正當煩緊點樣切斷血跡源頭時，望到幾米距離前有洛天流跌左嘅燒焦手袋仔，手袋入面有佢嘅噴霧，我立即行近果個方向。
 
突然，天花板嘅血漬向身處地面嘅我滴落黑色水滴，妖魔叫做珠沙流，滴一滴落身體已經可以毒死你。我攞出一支試管想用呢破術，佢就系牆壁某處伸出尖柱刺破我伸出嘅果支試管。冇左護法，珠沙流一滴滴感滴落我個頭度，我瞬間窒息暈迷，側身訓低，見到自己隻手變左黑色。
 
一片漆黑，然後感覺到自己浮現系金黃色發光水面上。系破地灘嘅術式運作緊，我嘅心臟慢慢回覆，熱量慢慢散至全身經絡，咳出一口氣，企起身，眼前已經見到洛天流。佢繞過灘水想走近我。
 
「到底呢灘嘢系咩嚟架？」




 
「關你事咩？妖怪用唔到。」
 
女妖面色一變，四支尖柱衝向我，我滑步避過全部攻擊。
 
珠沙流攻擊原理系占據我嘅主要經絡，令我瞬間缺氧死亡，破地灘就系喺觸及範圍內淨化一切仙界以下嘅術，佢流入每處經絡淨化身上嘅毒素。
 
鐵體丸嘅能力再一次恢復，我順住水灘術式流動一步步滑向洛天流嘅手袋仔，系裡面攞出噴霧劑。天花板再次滴落黑水點，左右再出現尖刺柱，我轉身滑步，同時將左身噴劑嘖出嘅噴霧液用右手接住，如果有人影到背面嘅話應該有d似花式奶茶倒奶動作。
 
右手啟動風術式，氣流以圓球形狀聚起噴霧，左手按鈕按盡之後快速拋開噴霧劑，然後放系氣流上面，兩隻手以圓形軌跡攪動氣流球加劇旋動。我將個旋轉氣流當成手球拋中洛天流個頭，佢呀一聲，系佢正面爆破嘅噴霧令到佢成個身體僵化。




 
宿主停止控制周圍嘅術，我要爭取時間！先用手印退走天花板嘅珠沙流液，再引入易水銀沖走牆壁嘅血跡。洛天流很快就行得返，佢見血比易水銀沖走，就攞住符咒變召喚幾隻殭屍，幾隻殭屍用劍衝過嚟比我拳擊打爆頭部，行內強化體格嘅藥物真系唔可以亂賣出去！
 
幾隻倒地，我望返轉頭，一隻殭屍將一條珠鏈繩交系洛天流纖細幼手上，原嚟一切都系轉移視線。佢將我本身已比貓咬斷嘅念珠繩重新束縛系手腕。佢唔系諗住用到呀？
 
戴完珠繩之後，佢一隻食指指向我，一發動術式，珠繩嘅能量型成火光，呀一聲，手腕產生微微爆炸，睇到小撮煙灰散出，佢成隻手窿左。
 
好奇心促使我睇住佢成個過程，有種念頭系想睇住佢成功運用諗念珠法器，不過應該冇可能。佢按手忍痛，觀察到佢用內功迫一道血流向佢受傷嘅手，然後佢隻手就康復返，跟住佢隻手再次指向我……
 
一束染紅光線擦過我旁邊，燒斷左後方成張枱。
 
佢手指指向地面發射，地面嘅破地灘快速比佢燒毀。然後佢直接指向我，念珠法器生成一道光束，射向我嘅方向。好彩仲有一著，我直接用手擋住術式強光，手掌產生一道氣流阻擋強光燒傷我，兩道能量磨擦產生高頻聲音。
 
洛天流唔會放過我，佢一口氣延續光束嘅攻擊，想同我道防禦氣流夠耐力。一般新手系唔會耗咁大法力去持續強力攻擊，但系佢搏啱左。就算食左藥，念珠法器揮發嘅力量足以令我滿面流汗，一直頂住口氣，掌上道氣流已經頂唔住強光連續轉送，漏出嘅熱能灼傷臉部同另一隻手。抵住佢就好似持續地獄式掌上壓咁辛苦，但你又唔可以放手，放手就返唔到轉頭！
 




光束依然壓向我隻手度，我差唔多放棄之際，前方出現左本身應該系一樓嘅Jimmy。佢手上攞住支天尾掃，掃把一掍打落洛天流發射光束嘅手指，洛天流按住被打嘅手指叫痛，光束嘅壓力攻勢中斷。
 
我隻手掌已經吸收到源自法器嘅能量，快速做左個手印，一道大型火球生成。我將大火焰球一嘢推向前方想殺左Jimmy嘅洛天流，今次佢都嚟唔切叫就系消失系大火球之中。