我與家姐的互相育成遊戲: 第十二章 家姐的約會

之後佢地兩個講既野都無咩特別，唯一令我在意既，就係知道左聽日家姐似乎約左佢既意中人見面。

究竟係邊個？嘉琪同我都唔知道，一切聽日就會揭曉。

睇下片打下飛機，再同家姐做下個育成app既無聊任務，話咁快就一日。

今日星期日朝早，家姐已經一早起身悉心打扮。家姐最終都係無聽從嘉琪所講行絕對領域look。而是著格仔裙look，無錯，又係格仔裙。

不過家姐當然係比嘉琪正好多，淨係露出黎既腿都贏晒。家姐著白色t恤配紅黑格仔裙，然後件t恤仲要係zip衫既狀態。



不得不說，咁著真係太狡猾。上半身因為zip衫，家姐既波形同蜂腰都呈現出誘人曲綫，而下半身自然係果條白滑既美腿，簡直係視覺既享受。

咁樣著淫淫地但又帶啲文青味道，既含蓄又開放。

心情愉快既家姐，哼住歌，係屋企都小跳步咁，睇黎佢真係好期待今次既見面。

“今日晏就我唔返黎食啦，你自己搞掂啦。”家姐一邊著鞋，一邊講。

“哦。。。”我一邊偷望一邊回應。同家姐相比，我心情無疑係異常地低落。



去到差唔多中午，我見家姐已經準備出門，我亦都返入自己間房，開始換上輕便既運動服裝。我實在係忍唔住了，我決定要跟埋去睇下，究竟家姐鐘意既人係點樣樣。

可能佢地淨係用singal聯絡既關係，無傾過電話，我完全無偷聽到家姐有約人係邊到見面。

所以，我除左落樓果段時間之外，其他時間我都跟得家姐好貼下，廢事一個唔覺意跟甩就弊。

佢地相約既地方並唔遠，竟然只係樓下商場附近既餐廳。我無跟到入去，透過出面既透明玻璃，有一個男人已經一早係到等緊家姐。

而呢個人我都識，佢並唔係學校既學生哥，佢竟然係學校既體育老師，啊張sir！



仆你個街！自己既學生都搞！