[純愛］［校園］［一個月的愛情詛咒］: 1.升校

故事要返到我仲係啱啱由小六升上中一嘅時候


好記得嗰陣時自己企咗喺度按戇戇居居咁睇都睇分班表

好彩有幾個friend同一班，唔係嘅話就自己一條毒L一班就真係67啦


放心，一見鍾情嘅嗰啲嘢係唔會發生，如果個故事咪好快完？



第一日都係見班主任、校長講吓嘢、我哋吹吓水，都幾無聊下，唯獨係掉位方面有少少期待。

我哋嘅班主任係個女老師，幾好人，話可以比我地自己諫位，

最後所有人都係同返自己啲朋友坐。

就係因為咁，第一日就嘈到拆天，又要掉位。

最後，嗰女老師話男女男女咁坐，話可以無咁嘈。班友仔梗係話制，有女坐隔離喎，點都好過同朋友坐啦。



我就要求唔高，唔好太差就得。好彩，最後都有個正正常常喺隔離。


個女仔叫啊欣，雖然唔係女主角，戲份都有返咁上下，所以大家記住先。


我同佢之間都係普通同學關係，就係你問吓我借野我問下你借咁。當然，做得隔離位點會唔搞啲惡作劇。

但係都係偷下佢支筆、老師無叫佢就話叫咗佢答問題，睇佢柒下柒咁。




之後都識咗幾個朋友，之後都幾重要吓。其中最熟，即係死黨，就係羊羊。

唔好誤會，佢係男仔嚟㗎！只係佢話佢屋企人咁樣叫佢，我哋成班人都咁樣叫埋佢一份。我同佢係相識於$100 下。

話說開學嗰陣要交嗰啲乜費乜費，佢又咁啱唔記得咗帶，就周圍問人借。

但係又好似借唔到，我見佢個樣尷尷尬尬咁，就行咗過去，佢就問咗我借。

我哋就咁識咗，到而家仲keep緊，幾乎晚晚都打機。


第二個係哈士奇

咁叫佢係因為佢開學第一日就比人偷拍，相入面佢個樣真係好似哈士奇



嗰陣時笑到我哋幾乎碌地，所以就咁叫佢。

佢就係嗰啲自稱「情聖」但係完全冇L用嗰啲人，之後大家就見識到

重有一個，我唔知其他人叫佢咩，但係我就叫佢黑炭

因為佢真係幾黑吓，係親親大自然嘅膚色！

唔記得咗講，佢係女仔嚟，之後佢嘅工作就係做我同嗰個女仔嘅中間人。

你知啦，有時有啲嘢淨係識得講，便會有膽做，所以咪要個中間人囉。

但係之後都大膽左，唔使佢再做電燈膽，呢度講返聲唔好意思，要你做咗電燈膽咁耐。




依家都係介紹返個女主角先，咪如果就冇引睇落去。

佢又係叫啊恩，但係唔同寫法。

要留意嘅係，阿欣同阿恩冇血緣上嘅關係，但係佢哋喺學校好friend，Form1 嗰陣成日一齊玩。

阿恩佢個樣有中上，成績梗係好過我啦。

其實佢一開學係坐我隔一行，都算叫近，但係嗰陣時真係冇留意過佢，之後發生咗啲事，先開始注意佢嘅嘢。