說好的約定呢？: 第十三章

星期日崇拜之後，我問曉欣：「你一唔一齊食中午呀？」

「嗯，好呀，不過搵多D人好D。」曉欣點點頭說。

那也對，找多點人才不會使我和曉欣的關係太明顯，於是我就找了我的組員，提出一起吃組餐。

他們很快都答應了，於是很快我們就到了澳門廣場。

一來到曉欣就很自然的坐了我身旁，我側着臉問她：「咁唔怕比人發現咩？」





曉欣直接捉着我的手把我拉了出去，並跟阿榮說：「我地出去睇野食先，你地霸住個位先。」

「咁突然做咩呀？」我問。

「我話你呀，太擔心啦，就咁坐隔離都驚呀？本身明明係一件好正常的事。」曉欣用手輕輕敲我的頭說。

「咦，聽你咁講好似又係。」我撓着頭說。

「快D睇下食咩仲好啦。」說着曉欣就走了去看不同的食店。





我平常甚少來這裏，所以都不知道選擇甚麼好，最後就選擇了一個米線，並要了少辣。

回頭一看曉欣已經早點了食物，而且已經拿着食物回席了。

很快我的米線也到了，於是我也回到曉欣的身旁，而甚他組員就出去點食物了。

我吃了一口米線，一連咳了幾口：「哇，呢個小辣咁鬼辣！咁麻辣哥D邊個食呀？」

「白痴呀，你唔知道呢間野出名D湯底好辣咩？」曉欣笑着說。





「哈？真係唔知道，中伏了。」我隨即在於書包找了找我的水樽。

弊！我突然想起今早太忙，出門口忘了帶水，我的舌頭被辣湯刺痛着，於是我把舌頭伸出來讓它涼一涼。

曉欣好像知道我在想甚麼，很順手就把她的水遞了給我：「拿，飲水啦，我都唔想我男朋友成隻狗咁。」

我笑道：「你咪變左狗乸？」然後接過水並喝了兩口。

曉欣伸手把水取回，扁着嘴說：「你就係狗乸，我唔係呀，咁多野講唔比你飲水啦。」

「下，唔好啦，係我錯啦，原諒我啦，比我飲啦。」

「你話自己係狗公先啦。」曉欣戚着眉說道。

唉，沒有辦法了，米線太辣了，我唯有死死氣說：「我係狗公。」





說完之後我覺得我作為一個人類的尊嚴已經盡失了，這時候曉欣摸着我頭說：「喂白痴呀，我講下笑咋，你做咩咁認真呀，我男朋友先唔係狗公呀。」

聽到這裏後我的尊嚴已經回來了：「咁你快D比支水我啦。」

「係啦係啦，整多條菜比你啦，等你降下火啦。」曉欣把水給了我後，從她的菜中夾了數條給我。

「多謝你呀。」說完後我的組員也回來了。

我最後硬着頭皮終於把那碗米線全倒進肚子中，而這時候曉欣的水也同時歸零了，因為阿榮和其他組員有教會事務要幫忙，很快就走了，留下我和曉欣兩個人。

「哇，你飲哂我D水我飲咩呀？」曉欣拿着那空樽問。

「飲我D口水啦。」我笑着說。





「食懞你呀，要本小姐飲你的口水，仲唔快D同我去買反支水？」曉欣指着附近的超級巿場說。

我迅速的完成任務：「拿，你要的水呀。」

「算你識做啦。」曉欣滿意的說。「咦，你聽日係咪有測驗呀？」

「咦，你點知我聽日有測驗ge？」我可不記得有告訴曉欣我明天有測驗。

「你自己講完都唔記得，咁懞性性架？咁啦，你而家反去攞書，陣間約埋一齊喺關閘M記溫習啦，有本小姐監督下，你實可以重振江山，攞反個第一。」

「點解要去關閘咁遠呀？」

「無人去呀，教會冇咩人去關閘哥邊架。」

「好啦好啦，咁我反去攞書先，出門口再話你知。」





「咁我都反屋企先，陣間再搵你啦。」

曉欣輕輕的吻了我的臉一下：「陣間見啦白痴。」

然後曉欣就紅着臉轉身離去。