屋企突然多咗個唔識嘅人: 壹( 重新修訂 )

「起身啦喂。」呢個咪琴晚掉我落地獄嗰條撚樣？

不過嗰條友睇落又幾靚仔。

我：你乜水呀？點解你會入到嚟我間房？

忘記咗介紹自己。

阿恆，14歲，住天水圍。標準毒撚身型同樣。





佢：我叫張志賢，叫我賢仔得啦。其實你已經焗死咗，變咗做鬼。

我：你未答我問題，點解你會係我間房。

賢仔：我驚你適應唔到，咁啱經過咪過嚟囉。同埋間屋俾我住一排先啦下。

之後咁我就講曬啲基本資料畀佢聽，佢知道我係屯門讀書之後，即刻扯住我出門口，佢話要教我點搭車返學喎。

去到53號巴士站，我O哂咀：吓，點解唔坐西鐵要坐巴士？





賢仔：西鐵要轉車。

嘈嘈下架車就嚟咗，佢拉住我由後門上車，我問佢：唔洗畀錢咩？佢回答：你都on9。係喎，司機都睇唔到，我真係on99。

上咗車之後揾咗2個位坐，我問佢點解會無啦啦死咗

賢仔：係學校畀人老屈我同個肥婆有嘢，跟住自殺死咗。

真係陰功，小六嗰陣我都畀成班人屈鍾意個肥婆，但係我冇事。





講講下架車就到咗屯門巿中心。