屋企突然多咗個唔識嘅人: 廿參

呢幾日都冇乜特別事發生，馬sir都唔見咗人，聽講似攞病假著草去其他地方。

我哋4個當中我同阿兒瞓床，阿菴瞓梳化，阿賢打地鋪。

-----------------------------------------------

考完試之後嗰個禮拜六 1100

瞓醒之後發現屋企一個人都冇。





「屌，又係咁... 」我慨嘆。

不過我都慣撚咗。

呢個時候老母打電話過嚟:阿仔，你家姐今日返嚟呀，陣間上嚟食飯呀。

我:我唔係獨生子咩？

老母:就咁話啦。





我:喂喂喂...喂喂... 

痴線，表姐都算，家姐都可以攞嚟玩，真係有病。

即係又要出遠門。

一如以往，喺樓下等巴士，不過等咗成5分鐘都冇車嚟。

69X... 即係去MK。





50分鐘後

終於嚟到MK。

之不過咁，我見到成班友係咁昅住一條短裙女同佢條仔。條女睇落得15歲。

嗰兩條友向住我呢邊行緊過嚟，都唔知點解個樣越睇越似阿兒同阿賢。不過阿兒鍾意著褲，阿菴鍾意著短裙，所以我估嗰條女應該係阿菴。

「喂，做緊咩呀？」有把男聲喺我耳邊講嘢。

「帶女出街都唔洗咁呀。」我回答。

「佢鍾意呀。」佢答。

之後陪佢哋行咗一陣，阿菴無論係喺街定入商場都係咁俾人昅。





一個鐘後

老母又打電話俾我。

老母:喂？

我:喂？

老母:你家姐到咗屋企啦，快啲過嚟啦。

我:我行緊街喎。

老母:唔理啦，兩點鐘要到。





阿賢:你老母咁仆街㗎，難得出到嚟要人去探家姐。

我:咪就係。

阿賢:算，我都跟埋去，如果你家姐係靚女嘅話，我又有多條女J。

阿菴:我都跟隊。

我:唉。

我哋去咗坐63X去到華都再行返去。

阿賢:係呢，估下阿恆家姐會唔會係阿兒呀嗱。

我:邊會。





阿賢:一個三唔識七嘅人都做到你表姐啦。

我:都唔乸係關我事。

阿菴:BB，如果我係你家姐你會點？

阿賢:我會亂倫。

阿菴:食屎啦你。

阿賢:靚女唔屙屎。

阿菴:咁咪用其他人嘅屎。





我:又嚟。

阿賢:情侶有時候係要咁㗎啦。定係你唔識溝女咋。

我:Of course not。

阿賢:咪就係。

我:到咗啦喎。

阿賢:夠唔夠膽賭。

我:賭乜。

阿賢:睇下你家姐係咪阿兒。

我:一舊水，唔係。

阿菴:渣㗎，我五舊。

1405 門口

「開門。」講緊呢句嘅同時都祈求緊我嗰一舊水唔會就咁冇咗。

「嚟啦。」我feel到有種不祥嘅預感，阿賢亦都陰陰嘴笑。

「咔嚓。」一聲，我嗰一舊水就咁冇撚咗。

乜碌撚呀，表姐又係佢，家姐又係佢，玩曬啦。

阿賢:哈哈哈哈哈哈哈哈。

我:屌。

阿兒:竟然當住家姐面講粗口？

我:家姐好惡呀。嗚嗚嗚嗚嗚。

阿兒:咪扮嘢啦。入嚟啦。

之後我介紹嗰兩條友畀老豆老母識。另外我都問過我同阿兒有乜關係，老豆就話我以前同阿兒玩嗰陣阿兒要我嗌佢家姐喎。不過年代久遠，已經係14年嘅事，所以記都記唔起。又或者，我根本冇同佢玩過？印象中阿兒最多都係帶我去見第二條女(應該係今日嘅阿靈)咋嘛，都冇嗌過家姐細佬。

食完之後即刻走，因為我都唔知可以做乜碌撚。寧願返屋企打鋪機好過。

之後我哋坐751返歸。點知一山還有一山高，雞蛋還有雞蛋糕。點解馬sir會出現喺架車度，佢唔係住良景㗎咩，同埋佢唔係應該著緊草㗎咩，點解會出現喺度。

佢成程係咁視姦阿兒同阿菴，而且係目不轉睛咁望，搞到要喺下一個站落車轉另一架751。

阿菴:屌佢老母又視姦。

阿兒:佢玩撚夠未。

好彩之後嗰程車冇見到佢，好順利咁返到屋企。