屋企突然多咗個唔識嘅人: 卅參

終於返到香港。

一返到屋企就見到有兩條女攤咗喺梳化。一個著短裙仔一個著長褲，肯肯定係阿菴同阿兒。

「返嚟啦，15歲啦喎。」

呀係喎，今日4月9號，即係我同阿賢生日。

「係咩。」阿賢好似唔記得咗佢幾歲。





其實我一直都記錯咗，今日先係14歲。無計，「老人家」係冇記性㗎啦。

「你都14啦喎。」阿兒對住我講。

「係咩。」我回答。

「你哋係咪孖生㗎？」阿菴笑我哋。

「講咩啫，你哋仲似啦。」我哋都不約而同咁講。





其實講真，落去搵幾條友問佢哋係咪孖女我相信好多人都會答係。個樣如果唔認真去睇真係睇唔出分別喺邊。

經過一段時間之後，我哋決定去行donki。

「咁去邊間donki先，咁多間。」阿賢問。

「去尖咀囉。」我求其答。

「咁搭咩車先，咁多車。」佢又問。





「咁你收聲先，咁多嗲。」我又答。

「屌，咁坐咩車先。」

「巴士囉咩車。」

「咁行啦。」

上到巴士竟然見到阿靈，不過佢睇我哋唔到。

「喂，我哋不如影佢再放上IG？」阿賢細細聲喺耳邊講。

「好。」

突然周邊閃咗下，原來係條仆街開咗閃光燈。





「大檸樂！」阿賢叫咗聲。

「咪嘈啦屌。」阿菴喝住佢。

「咁啱呀。」坐喺我哋前面嘅阿靈擰轉頭講嘢。

全場氣氛十分尷尬...

過咗一個鐘終於到尖沙咀，我哋落車嗰陣阿靈瞓著咗。

「阿」阿靈無啦啦Wts我。

「頭先做乜唔嗌我落車」





「吓」

「老豆」

「吓」

「而家係紅磡」

「點樣去尖沙咀」

「吓」

「吓乜」

「哦 關我鳩事」





「斷絕父女關係」

「老母呢」

「一齊」

「哦」

「搞咩呀？同女wts呀？」阿賢你條仆街...

「咩呀。」阿兒搶咗我部電話。

「喂... 」





「屌，同個女WhatsApp咋嘛。」阿兒又講。

「咩女話？」阿賢又問。

「阿恆個女呀。」阿菴答。

「乜...」

「屌你仲問。」阿菴掩住佢把口。

「唔問唔問，老婆大人英明。」？？？

「咪on99咁啦。」

跟住我哋終於入咗去Donki，整體過程唔記得咗，但係我淨係知買嘢有優惠。

「是咁的，我老豆係Donki入面比較高等嘅人，所以啲人都認得我。」阿菴講。

「溝啱人了。」阿賢唔知發乜神經。

「屌，咁我溝錯人。」阿菴答。

「對對對對唔住，我我我唔應該咁講嘢。」

「算你。」

「但係而家要去邊？」

我哋再次陷入窘境...