屋企突然多咗個唔識嘅人: 伍拾壹

「畀阿賢睇」阿兒send咗幅相過嚟。

「不如1點喺戲院附近食啲嘢先？」

「邊間戲院？」

「巴倫紐」嘩真係，唔好而家先講。

「👌 咁12點9喺雅都巴士站等啦」





「👌」

而家係...

仆街！原來已經11點㗎啦。

「起身啦，11點啦。」我嗌醒阿賢，然後俾啱啱幅相佢睇。

「屌那媽，你唔早啲講？」





「佢9點先send嚟我有乜計啫。」都唔明小王子咁溝女法點解都仲有人冧佢。

「屌。」阿賢跑去廁所。

一入廁所，阿菴即刻幫佢改造。

「喂！我未屙尿㗎！喂！喂！」又大叫...

-----------------------------------------------





首先坐53去富泰同阿兒會合。

「幾『靚女』呀。」阿兒「讚」阿賢。

「嘩真係多撚謝。」阿賢不忘「感謝」。

然後先坐K51去雅都。

喺車上面我哋不斷討論戰術。

「嗱，我覺得應該入埋去睇戲，方便觀察阿賢嘅狀況。」阿兒提議。

「晒錢，入去唔睇戲咁入去做乜。計我話，最好就好似lily嗰次咁，用電話溝通。」精蟲灌輸全腦嘅小王子應該都唔會發現阿賢戴耳機。

「就咁啦。」





「而家打定先。」

落車等咗陣條友都仲未出現。

而家已經12點十。

記得之前約阿兒出街遲咗到就俾佢打到仆街。

講笑啫，如果真係打我分手都似。

等到1點1小王子先到。

「sorry呀，地鐵塞車呀。」咁嘅大話都講得出。不過算啦，咪當係氹條「女」開心。





「食咩呀？」阿賢問。

「就隔離譚仔囉。」

「喂，記得食得斯文啲。」我提醒阿賢。

「得啦。」

入去坐低嗰陣有人嗌阿菴。

「阿嫂？」以我所知，阿賢有個細3年嘅細妹，應該就係佢。

「咩事？」阿菴回應。

「嗰個女仔咁似我阿哥嘅？」嘩，佢點知的？





「shuuuu...唔好嘈，等阿嫂講個故仔俾你聽。是咁的，......」

「明未？」

「明！」

原來對面阿賢已經食咗一半。

「唔該，阿姐落單。」我即刻叫阿姐過嚟。

「雞肉、炸醬，蕃茄湯。」用5秒就講完要食嘅嘢。

「炸醬、牛肉、腩肉，清湯。」阿兒都落單。





等咗5分鐘啲嘢食終於到齊。

耳機傳出阿賢把聲。

「點算呀？佢話睇完戲之後去食甜品喎。」

「咪話有急事推撚柒咗佢。」我講。

「sorry呀，啱啱收到阿媽電話話6點要返到屋企，睇嚟都係陪唔到你食糖水啦...」

「喔... 咁算啦。」

過咗一段時間都冇特別嘢。

食完之後我哋就去行街，阿賢就去戲院。