屋企突然多咗個唔識嘅人: (此标题已违反国家安全法 已被屏蔽)

「陣間係咪坐巴士返去...」阿兒好似好驚。 

話說呢排坐E36A日日都會撞到一對情侶，條女仲係喺我哋學校批鬥批到出晒名。 

佢就係A字頭。 

點解我無啦啦講呢樣嘢呢？ 

冇計，本身阿兒阿菴同A字頭係死對頭，阿賢同Hugo都係死對頭。 





聽講阿賢試過喺小學嗰陣同Hugo隻揪，仲打到阿賢記咗個缺點。 

至於係咪真嘅呢就要問返佢本人。 

「行未，仲有10分鐘。」我講。
 
「行啦。」阿兒講。 

平時1點9同2點9嘅車都有可能見到佢哋，所以今次學精咗，坐中間2點3嗰班。 





坐呢架車會有個巴膠影相，不過冇乜所謂，同我哋唔係好熟。 

一落到巴士站，就見到一男一女。 

唔係咁邪呀嘛... 

男嘅手上揸住部電話影相，應該就係個巴膠。
 
但係巴膠好似冇女㗎喎。 





呢啲嘢話唔埋，可能之前表白成功呢。 

當佢擰轉頭，先發現原來佢係我識嘅。 

「阿恆？」原來阿賢就係嗰個巴膠。 

「wow，XK2433。」阿賢唔知講乜。 

原來係講緊架車嘅車牌。 

我記得了，呢部車嘅冷氣真係一流。 

我從來都未試過熱辣辣，三十幾度乾煎三個字然後坐部出熱氣嘅車。 

真係痴線，坐到成身汗，好彩只係10分鐘。 





突然有2個人喺68A條隊衝出嚟打尖上車。 

「排隊啦仆街。」阿菴屌佢哋。 

「點撚樣呀，我係唔撚排呀，打我呀笨柒。」條女好寸。 

「又係你。」又係A字頭。 

「死開啦，我唔使上車呀。」阿賢講。 

「oh...」阿賢突然俾Hugo伸咗一腳。 

「你老母... 你老母...」阿賢衝上車打Hugo。 





「喂喂喂喂喂喂！」我即刻制止佢。 

「躝啦屌你老母^*@#^=」阿賢趕佢落車。 

司機即刻閂門開車，留低Hugo喺巴士站。 

「Hugo呀...」A字頭開始喊。 

「救下我...」諗住向阿兒搏同情。 

「收皮啦，再嘈下個站趕你落車。」阿兒講。 

「求下你...」 

今次應該無人理佢。 





呢件事好似傳到成間學校都知。