屋企突然多咗個唔識嘅人: 新年番外-壹

「表姨，er 祝你恭喜發財，身體健康。」

「佢係...？」表姨問。

「我係佢女朋友。」阿兒講。

是咁的，我哋去咗表姨屋企拜年。

根據傳統，每次拜年都會收到一罐嘉頓雜餅。





以前就話有老豆幫手清零，而家阿賢話狗都不屌。

「快啲入嚟坐，快啲，快啲。」

「你女朋友都幾靚呀。」表姨講。

「過獎啦。」阿兒紅都面晒。

之後都係啲例牌問題，即係啲咩學業呀，未來呀，DSE嗰啲。已經講到口臭。





---------

「唉呀！唔記得咗俾利是添。」表姨終於都醒起。

然後佢捧住兩罐紅色嘢出嚟。

我唔想分手呀...

「多謝表姨。」我講。





「係呢，而家都唔早啦喎。係時候返屋企。」已經想撇。

「byebye」表姨講。

-----------

「我都估唔到會收2盒...」最驚都係阿兒喺條街度同我講分手。

「唔緊要喎，你身邊唔係好多fd㗎咩？」但係我唔想咁害人。

突然靈光一閃，全部質晒俾阿賢食咪得。

返到屋企，發現客廳多咗2罐同我哋拎緊嘅紅色罐一樣。

「fuck.」阿賢爆粗。





「包剪揼，輸嗰個食一罐。反正我哋都唔使咁多雜餅。」阿菴提議。

「包剪揼！」

「包剪揼！」

我出剪，其他出揼。

「why...」今鋪真係打飛機都要食晒佢。

「牛奶... 牛奶... 牛奶... 仆你個街冇牛奶嘅？」仲要冇牛奶。

希望佢哋唔會po上IG...