屋企突然多咗個唔識嘅人: 柒拾貳

「今日我哋要嚟坐... 53號巴士！」咁熟嘅呢句。

「飛到轉車站嗰段睇下。」阿兒講。

「死啦，突然覺得有啲肚餓，但係而家先到一半...」

「死啦，突然覺得有啲肚餓，但係而家先啱啱過轉車站...」有咩分別。

「再飛去入到荃灣嗰段。」





「聽我朋友講呢，呢度有個玩具反斗城，以前成日嚟。然後而家佢話而家再返去會好尷尬，留喺屋企打機算。」阿兒喺條片講。

「直接登dua郎。」阿菴講。

「聽朋友講呢，佢話呢度有個玩具反斗城，以前成日都會嚟。然後而家佢話而家再返去會好尷尬，留喺屋企打機算。」

「登dua郎。」

抄橋條友係咪姓歐陽名尚書，啲script改少少就當自己諗橋。





「還可以教你登dua郎。」

「還可以教你登dua郎。」

都係杰哥，都係同一句。

「有分別咩？」阿賢問。

「咪就係冇囉，唔係就唔會叫你哋入黎啦。」阿菴講。





「仲有呢個。」

「今日我哋嚟食辣番茄杯麵。」

「估唔到呢，連食閪麵都要抄。」阿菴講。

「嘩X，冚XX，咩味嚟... 好X難食。」

「嘩，咩味嚟... 好難食。」

做咩唔抄埋粗口。

BTW 把聲有啲熟...

.....





(小學)

「Today, I want to talk about a book called ……」睇嚟又要聽佢9up十幾分鐘。

仆你個街，知你英文好勁啦，但係真係無人想聽你講嘢呀，摺埋返屋企啦。

「阿恆咪埋眼瞓覺喎。」另一件八婆講。

「喂！同我抄3次書入面嘅內容。」Miss Wong講。

「阿兒都係度瞓啦。」我講。今次都唔知第幾次俾人針。

「關你撚事咩死毒撚，抄你就抄啦。」佢又講。





唉，真係好冇面。

.......

「我記得啦，嗰個司徒同郭乜鳩...」呢兩把閪聲即刻係我腦中浮現出嚟。

「郭...芷晴？」阿兒講。

「差咁個黃嘉...」阿賢未講完就俾阿菴「教訓」。

「仆街，俾佢針足6年，仲好意思喺老母面前講我最好讀馬登，戇撚鳩。」阿菴講。

「不過佢哋都仆街開，只係估唔到塊面皮仲厚過香港政府。」佢又講。

「事到如今，淨係得一種辦法搞掂佢。」





「咩辦法？」我哋問。

「開直播同佢哋談判。」阿菴講。