尋人啟事: <6.戀愛日記>
<6.戀愛日記>
晨光照耀,
和暖的陽光照射著我們....
無錯,昨晚我一直攬住佢,
但係我地只係單純既攬住..
我:敏敏,9點啦
敏:希希,早晨...
敏:訓多陣得唔得?
我:好啦,我地就訓左半個鐘..
我知道訓多半個鐘...
姐係可以攬多半個鐘..
攬住一個你愛既人...
其實係一件好幸福既事,
有時候覺得,如果可以攬住成日,
咩都唔做,其實都唔錯!
我有個習慣,
攬住敏敏既時候,
我係會係咁用手指搞佢d頭髮,
...
所以我係呢時候,
當然就搞足半個鐘...
我都覺得自己有d變態...
我:半個鐘啦!
敏:哦...
我:快d換衫啦,我地要出去架啦!
敏:係既,希大人!
於是我地就去我地既第一站
--尖吵咀海旁--
因為呢到係阿媽粉紅日記所講,
同阿爸第一次既見面既地方。
"
3月28日 晴
今日是我與逸朗約好見面的日子,
當時我真的十分緊張,很期待他的樣子,聲音......
突然,一把既陌生又熟悉的聲音出現,
原來是逸朗,他比我想像更加帥氣,
聲音更加好聽...總知他比我想像中更加完美
原來........
"
當我地搭車去海旁既時候,
我就打開左阿媽日記既第一頁...
我同敏敏就一齊睇住呢本日記...
我:就咁睇我覺得幾好悶,不如搞d新意思!
敏:有d咩新意思呀?
我:我地黎個角色扮演,你扮我阿媽,我就扮阿爸,咁好唔好?
敏:都幾好玩咁啵!
我:咁陣間你落車行去先,我落左車之後行多幾行幾去搵你!
於是,
我地既角色扮演就係落巴士果刻開始...
我去到海旁,
點知原來海旁咁鬼長...
心諗:你唔好走黎走去呀,唔係我點搵你..
終於,我係鐘樓旁邊睇到一名少女...
於是我靜靜雞咁行過去
我:喂!你係洛悠?
敏敏轉身,唔知點解,
我係呢一刻先知敏敏其實咁靚女
光潤的櫻桃小咀,
瓜子口臉..
白裡透紅的皮膚...
還流著長長黑澤的秀髮..
點解我係呢刻先發現呢?
因為平時太過親密,所以我唔發覺..
而用另外一個身份去觀察,
原來,敏敏真係好完美...
可以同一個美女拍拖..真係三生有幸
敏:係喔,你係逸朗?
我:我地書信來往左咁多個月終於可以見面啦!
敏:係!我地仲可以見面啦,你比我想像完美好多!
我:你都係...真係好靚...好完美!
敏:你咁講我會怕羞架...
我:你真係好靚ma...
我一直望住敏敏既樣...
我終於忍唔住啦
我雙手攬住敏敏,
雙唇不自覺的吻上敏敏那光潤的小咀...
雖然敏敏有些反抗,
但後來便接受了...
一陣子過後,
敏敏推開我...
敏:你奸矛呀你!你阿爸阿媽邊有發展得咁快!!!
我:對唔住,我都唔知點解會咁做!不過係呢刻先發現,原來你真係咁完美...
敏:哼,家陣先知我靚!有冇搞錯!
我:我...真係唔知點解,但係有一點我可以確忍
我:我愛妳!!!仲係愈黎愈愛妳果種!!!!
敏:算你啦!我地既下一站去邊?
我:家陣都成12點啦,我地既下一站當然係食飯啦!
敏:真係啵..咁去邊到食?
我:我真係唔知啵!前面有個商場,不如入睇下米知囉!
敏:唔好,我想食下香港地道既茶餐廳囉!
我:但係好似唔衛生咁...
敏:我地要感受下香港既特色呀ma,
敏:唔好唔得我地其實都係香港人黎架!
我:咁好啦!
我地就係街上面搵到一個唔知叫咩記既茶餐廳就入左去食啦..
我地食完飯之後,
敏:咁家陣下一站又去邊?
我:咁要睇下阿媽本日記先!
"
3月29日 陰天
逸朗說今天約我去看一場電影,
想不到他還記得我喜歡看電影,
我真的太開心啦!!!
當我打算去我們約定的地方時,
想不到他就在酒店的大堂等我,
原來他是那麼的細心,
於是我們便坐車到那戲院,
不過呢,雖然是看電影,
但我其實一直看著的雙眼...
他時不時的看過,
問我:幹什麼嗎?
我都說沒什麼...
其實我是被他吸引著了,
不懂他是否也對我有意思呢?
"
係呢篇日記上面,
完完全全睇到阿媽少女懷春既感覺....
我:我地既下一站係睇戲...
敏:好呀,家陣有d咩戲好睇呢?
我:去左戲院先決定啦!!
敏:唔得,要而家決定!!
我:我點知家陣有要戲上緊喎
敏:咁又係,去左先算啦!
我:咁又話要而家決定?
敏:我幾時有咁講過?
我:...
敏:嘻嘻
唔知點解,
我好似成日比敏敏屈機咁,
但係我又自得其樂果下又......
我地就去左百老匯,
睇下有d咩好睇
我:你鍾意睇d咩戲?
敏:無所謂架
我:咁就睇果套喜劇啦!
敏:好喔,你話事啦!!
我:你餓唔餓洗唔洗買d野食先?
敏:唔洗,岩岩先食完野,而且有你係身邊就咩都飽哂啦!!
我:姐係...見到我就飽哂?我有咁樣衰咩?
敏:係架,你好樣衰,不過樣衰得黎我好鍾意咁囉
我:...真係嬲你唔落...
敏:睇你個樣都唔捨得嬲我架啦!
我在袋中拿出阿媽留給我的玉佩.
我:拿,如果將來我真係嬲左你既話,你拎個玉佩出黎啦!
敏:做咩突然之間比野我!
我:唔知架,我覺得要比米比囉!
敏:嗯,不過我覺得我會用唔著囉!
我:點解?
敏:睇下你個性格,點都嬲得人落姐!
我:...er...
敏:如果我可以整得嬲你,我自己都唔原諒自己啦
我眼泛淚光的說道
我:敏敏,你真係對我好好..
敏:梗係,我係你女朋友啵!
我:我地可以永遠係埋一係就好啦!
敏:一定會架,信我啦!
我覺得,呢一刻已經係永恆,
而且我覺得可以永遠永遠係咁落去......
入到去睇戲,
其實呢一刻係睇咩戲已經唔重要,
因為我身邊係我最愛既人...
我無睇到戲,
呢2個鐘,
我一直望住敏敏...
我終於明白阿媽當時既心情,
原來身邊有你最愛既人既話,
世界只會變到得返我地2個人..
終於到左晚餐既時間
我:你話過,晚飯你決定架!
敏:咁今次你跟我黎啦..
我就跟住敏敏去到一座好似岩岩建成既建築物--ICC
我:唔會係黎呢到食野呱...
敏:係喔!
我:點解會諗住黎呢到食野既?
敏:聽講香港既夜景好靚,上到去米可以睇到哂囉!
我:原來你鍾意睇夜景架?
敏:唔知呀,平時係溫哥華根本就無夜景睇...
我:好啦,咁我地就入去...
於是我地上左101樓既餐廳食飯...
打算食完飯之後落返去100樓慢慢睇夜景
我:估唔到你都幾有心思啵!
敏:仲洗講既!係米好滿意呢?
我:有你係到,m記都滿意啦!
敏:又失驚無神講d咁肉麻既野...
我:我鍾意呀,我要係咁講呀!
敏敏露出既尷尬又喜歡的笑容...
我:敏敏睇下,好似有d激光係d大廈到射出黎喎!
敏:哇!好靚呀!
敏敏一直望住出面的景色...
而我就一直望住敏敏的臉孔...
雖然窗外的夜景很優美,
但美不過坐我在前面的那人....
....
今日的行程很累,
所以食完飯,
再看一會夜景,
我們已經返酒店訓教...
同樣,
我係攬著敏敏訓既...
睇到敏敏訓教個樣,
心諗:一生一世攬住佢,望住佢,我會唔會悶呢?唔會,如果可以既話,我真好想一生世攬住佢,望住佢......
呢3日我地就將阿媽同阿爸既拍拖行程完完全全咁行過一次,
但我地好似忘記左d野,
的確,我黎香港係為左搵阿爸,
唔係黎旅行....