[愛情有甜]《當你識咗對雙胞胎》: 第一章

第一章
 
一輪床事過後，阿廣喺床上面坐起身，思考咗陣。
「今日嘅感覺好似有啲唔同。」
「喺……喺咩。」
喺佢身邊打側身瞓嘅女仔，好快就回應咗佢。
於是阿廣扭頭望一望對方，望住對方赤裸而雪白嘅美背。
隨即佢吞咗啖口水就問：
「其實，你喺咪順心？」
-------------------------------------


 
「我叫魏賢廣，大家可以叫我阿廣。我喺EdU畢業，之後喺香港島一間中學教咗兩年初中中文科，請大家多多指教。」
隨住阿廣自我介紹完畢，喺會議室嘅其他老師都即刻為佢鼓掌表示歡迎。
阿廣，今年廿七歲，因為某啲原因辭去咗港島官校嘅職位，而山長水遠入咗嚟天水園一間中學教書。
雖然喺新入職，但憑住過往兩年嘅經驗，令佢都好快就適應呢間學校嘅運作。
而同一時間佢亦都喺呢間學校到，認識到一個將改變佢一生嘅女仔。
 
「Miss Lee咁早收工啊！」
某日放工嘅時候，阿廣咁啱喺學校門口巧遇同校嘅一位女老師，李順恩。
「魏Sir你咪一樣咁早收工！」


「無啊，我前幾日先搬咗入嚟天水園，想早啲收工翻去執屋。」
「喺喎，聽講你為咗方便啲翻工，所以自己搬咗入嚟住。」
「啱啊，之前頭幾個月，日日搭個半鐘車程真心搞唔掂。」
阿廣隨即都搖頭嘆氣，想必喺諗翻起昔日嗰難捱嘅個半鐘車程。
「咁魏Sir依家搬咗去邊？」
李順恩問完之後，阿廣無即刻答佢，而喺舉高手指向學校對面嘅屋苑。
「麗湖居啊，近到唔可以再近。」
但喺呢個時候，李順恩反而喺臉露驚訝：「我都喺住麗湖居喎！？」
「喺？你邊座啊？」阿廣一臉好奇咁問。
於是李順恩就一樣指向阿廣啱先指緊嘅方向。


「咪你指緊嗰座，7座啊。」
今次輪到阿廣瞪大雙眼：「我都喺7座喎！幾樓啊？」
當阿廣提起自己都喺住7座嘅時候，李順恩突然成個表情唔同哂，隨即仲開始喺嘴邊自言自語：「等等先，上個月隔離A室陳生搬走咗，但之後前日星期六又聽到有搬傢私聲，而且樓下個保安仲話有新入伙，唔通……」
李順恩合埋嘴，思考咗陣，然後就同阿廣講：
「魏Sir啊，不如我數三聲之後，大家一齊用手指做出自己住嘅樓層數字啊。」
「好啊。」阿廣點頭示好。
「咁我數啦，三、二、一！」
隨住倒數完之後，李順恩同阿廣同一時間，左右手各舉高了食指，呈現「11」呢個數字。
好快阿廣就同李順恩你眼望我眼，之後彼此間嘅氣氛亦都瞬間變得尷尬起來。
但李順恩都好快再開口講：「原來先幾日搬去我屋企隔離嗰個喺你……」
「你咁講，即喺話……Miss Lee你住B室……囉？」
李順恩點一點頭，以代回應。
於是阿廣都立即深呼吸一口：「哇，我哋喺同事、又喺隔離鄰舍。睇離我同Miss Lee你真喺要多多指教啦。」
「啱啊……唔喺學校嘅話，其實你可以直接叫我順恩。」
李順恩向阿廣送上一記微笑之後，就開始起步步行。


而阿廣都一邊笑笑口講：「咁你都叫我阿廣就得啦，Sir前Sir後搞到我好似好老餅咁，明明我今年先27歲。」一邊跟上李順恩嘅步伐。
「原來你27咋！我細你一年咋！」
「竟然，我仲以為我喺全校最細添。」
「諗多咗啦你！」
就這樣，佢哋二人喺邊行邊傾嘅情況下，更進一步認識對方……