[愛情有甜]《當你識咗對雙胞胎》: 第二十八章

第二十八章
 
「嗶嗶—嗶嗶嗶—嗶嗶—」
隨住鬧鐘響起，阿廣慢慢擘打眼，表情呆滯咁望住個天花板。
同一時間，佢感覺到自己嘅右手手臀比人攬住咗，並且喺用個胸夾住個種。
「早晨啊，魏、sir！」
然而，瞓喺阿廣身邊同佢講早晨嘅人，並唔喺順恩，更唔喺順心。
而喺一個無著衫，身形比較嬌小，但胸圍至少都有C嘅女人。
「琴晚你咁狼死，搞到我下面都仲喺有啲隱隱作痛……」
呢個陌生嘅女人眼見阿廣終於瞓醒，就一邊講低語，一邊爬上阿廣嘅身上，用對胸壓住佢嘅心口。


「但喺都嚟多轉囉！」
對方以一個嬌媚迷人嘅眼神凝視住阿廣，同時其中一隻手更開始向阿廣嘅下體伸去。
到底阿廣點解會突然同一個陌生嘅女人上床？
佢嘅女朋友順恩又去咗邊？
咁就要翻番去幾日前……
 
「魏sir，聽講今日會有個代課老師嚟喎。」
喺教員室，當阿廣走去pantry斟水嘅時候，隔離班嘅一個阿sir就問佢。
阿廣只喺好快咁斟咗杯水，並且再飲咗一啖先答：「喺啊，喺嚟代我班4D放產假嘅Miss Lam。」
「唔知喺男定女？老嘢定後生呢？佢坐你隔離，你留意下喎！」


個阿sir笑淫淫咁拍一拍阿廣嘅膊頭，然後就離開咗pantry去搵第二個位嘅老師吹水。
而留喺原地嘅阿廣，只喺淡定咁再飲多一啖水。
「喺男喺女，喺老喺幼，反正都唔關我事架啦。」
然而，阿廣誓死都估唔到，呢個「唔關我事」嘅代課老師，將會為佢帶嚟一場腥風血雨。
 
喺大約一節課之後，突然一個身形嬌小，留有一頭及肩短髮，著住白色背心同黑色百褶裙嘅女人，就喺教務主任嘅帶領下，嚟到阿廣隔離位。
「呢個就喺Miss Lam個位，你坐住先，我依家去印佢嘅時間表比你。」
教務主任好快就轉身走開咗，而個女人喺坐低之後，就立即同隔離位嘅阿廣打招呼。
「你好，我叫吳慧！可以叫我小慧喎！」
整緊ppt嘅阿廣，立即停低工作，轉過身有禮貌咁回應：「我叫魏賢廣，魏sir。」


然而，阿廣隨即就留意到眼前呢個叫小慧嘅女人，竟然單手托腮，並用一雙媚眼直視住自己。
瞬間有啲不知所措嘅阿廣，都只好稍為避開對方嘅眼神。
但好快，佢嘅眼球就比小慧身上嘅「胸」器所吸引到。
只見小慧著住一件都幾貼身嘅背心，而嗰對無D都應該有C嘅雙胸，就完美無瑕咁突顯哂出嚟。
同一時間，小慧都留意到阿廣嘅目光似乎擺咗喺自己對胸到。
於是，就用手做出一個撥涼嘅動作，並開始講：「哎呀，好熱啊！」
然後下一秒，佢仲微微咁彎低身，用手稍為拉低件衫領撥涼。
「行翻嚟個陣，行到成身……濕、哂、啊！」
阿廣隨即視線所見，就喺小慧背心入面嗰對戴住黑色蕾絲bra極之誘人嘅胸。
完全唔知道對方喺有意定無意，阿廣都下意識咁吞咗啖口水。
不過，好快理智就立即提醒佢：「你已經有順恩架啦！」
於是阿廣立即搖一搖頭，然後就轉身望翻住自己部電腦。
「你喺嚟代Miss Lam架呵？過多一節，4D就會有佢堂。」
小慧眼見阿廣進入咗紳士模式，望都唔再望自己，就微微嘴笑起嚟。
「好啊，我哋要多多指教啦，魏、sir！」


聽到對方嗲聲嗲氣咁叫自己，阿廣不禁喺心入裡打咗個冷震。
估唔到單單只喺打招呼，就令佢知道呢個叫小慧嘅女人……相當危險。