我鍾意咗我親生姐姐，但係佢已經有男朋友？！: 行衰運 （延）

行到入嚟黑媽媽嘅戲院，完全望唔清五指，但係周圍「吱吱渣渣」嘅舌舌私語從四方八面峰湧而來。我同小倩都覺得睇戲時睇戲，傾計時傾計，呢種滋憂性嘅聲音真係要不得。

「好心啦，屌，睇個戲都嘈住晒。」

望就望唔到，但我仍然向住聲源睥過去以作示威。

「唉，算啦！阿唏，佢哋係咁無口德架啦！咪鬼理佢地，快啲坐底陪我。」

小倩Q實我隻手，伏咗喺我膊頭度。





「好耐冇同人一齊睇戲了，你記唔記得我哋第一次一齊睇戲..」

我粒聲唔出，並唔係因為覺得內疚...

而係因為佢對波貼到我實一實，我一郁佢就會見到我小兄弟有幾咁宏偉。

「你嗰次睇完戲之後就人間蒸發咗，就好似Ghost入面對男女主角咁，再冇見過，你知唔我幾唔開心...明明我咁鍾意你。」

佢頓了一頓，又變返平時嘅小倩。





我都唔知可以點應佢好，所以就繼續沉默，一直到完場都無講任何野。


....


「好耐冇睇過Ghost啦..好好睇...」

小倩喊到七彩，啲鼻涕口水已經流到我成件衫都係。





「咁都唔使喊到咁掛，你真係好鍾意呢套戲...」

「咁係呀嘛..套嘢咁感動，你呢啲男人點會明..」

佢一路講一路喊，周圍啲人仲以為係我蝦佢，就連細路仔都指住我問佢地阿媽發生咩事。

「好啦好啦，我帶你去食嘢，唔好再喊啦。」

要收服女人，就一定要征服佢地個胃先。

「...係咪...任飲任食..先？」

佢捽住眼楚楚可憐咁望住我。

「...係啦係啦。」





我嘆咗一口氣...


殊不知一出商場，我就見到家姐拖住男朋友...

「家姐..？」

各種嫉妒又憎恨嘅怨念即刻上晒腦....