那一天我不再是平凡的中學生了: 1.

老母：「你又喺到打機，你幾時先識生性呀你睇下你呀
唉我真係冇眼睇你呀，真係生又叉燒好過生你」
我： 「 你咁鍾意咪唔好冇生囉，講到我好似嚟攞債咁
而家我前世欠過你呀 唉呢個屋企我住唔落喇。
我而家走喇費事篤眼篤鼻呀!」


於是我執埋啲嘢就走， 我嬲到就連我最鍾意嗰部switch呀
都冇拎到。 淨係拎咗部手機同埋個銀包






老母：「 你走啊走啊走咗以後就唔好再返嚟!」
我：「 好呀 ，我驚你呀唔返咪唔返囉大不了當冇咗個老母，
反正你呢種老母要唔要都係咁!」


落咗樓之後樓下看更阿姨問我做乜咁夜落街
於是我答佢「冇呀同阿爸阿媽嗌咗交出嚟散下心」
喺呢個心情咁down嘅moment咁梗係要出去睇下海呀
於是我就喺條街附近行下




突然之間「砰……啊……」


我慢慢行過去睇，見到有個人
突然之間「噹」一聲我就暈咗


「唔好啊!~」我喺一個惡夢中醒來
「 原來你醒咗啦」 一把神秘嘅女聲音傳過嚟
「 你係邊個…… 點解我喐唔到㗎」 當我回過神後，我而家先發覺




原來我畀佢綁住咗喺張櫈度


我再望一望四周圍，我見到一度門，除咗一度門之外就得返
一盞燈，原來我被人抓咗去密室。【嗰神秘女人係邊嗰
係黑警？係黑社會？】

「你見到咗啊？」佢用一個好奸嘅笑容同埋眼神望住我
「Er……我話我……見唔到啊……你信唔信啊！」 我用一個迴避佢嘅
眼神望住佢講