毒撚大挑戰之女神要離開了！？: 玖-學校旅行

12月中旬某次班主任節

班主任:今次學校旅行會去海洋公園。

成班友即刻大叫:好嘢！

班主任:跟住落嚟就係分組。

分組，即係毒撚要被迫同人哋一組。最仆街嘅係，冇得自己一組。我依然同班友唔係好熟，平時小息都係得自己一個，壁報板啲相都係冇我個樣。





最後都係冇人肯同我一組。不過預咗。

班主任:得你冇組...

之後佢夾硬塞咗我入去有4條女嘅組。

不過啲女就... 一係肥；一係粗魯；一係支那人。即係仲慘過自己一個，更加唔好話同阿兒一齊(阿兒仲要係隔離班，更加冇可能)。真係不如一槍打死我。

旅行當日 海洋公園





我哨咗一眼阿兒，再對比下自己。可愛、清爽嘅女神；肥、柒嘅毒撚，身邊勁多朋友嘅阿兒；身邊人都冇個嘅我。唉，冇朋友都算，仲要同啲三唔識七，支那肥婆一組。

一入到去即刻跑去廁所避開嗰4隻極品，順便屙尿。

等咗5分鐘先出返嚟。

我:好彩啫。

無啦啦有把女聲係我耳邊講:一唔一齊呀？





我即刻望向隔離，除咗阿兒之外冇一個係同佢好熟嘅。

我:唔洗啦。

阿兒:真係？

我:都好。

阿兒同嗰班友講:我同其他人一組，你哋慢慢行啦。

跟住我哋去咗坐海洋列車上山。

「不如坐呢個呢？亅我指住過山車同阿兒講。

「唔好啦。」





「咁... 算啦。」

之後我哋去咗睇企鵝。

我:睇下佢幾得意，成個你咁。

阿兒:即係笑我蠢啫。

我:講笑講笑。

睇完之後玩踫踫車。

阿兒:渣㗎。





我:第一次揸係咁㗎啦。

阿兒:屌。

玩完踫踫車就落返山食嘢，阿兒去搵返佢嗰班啲人。

70蚊... 75蚊... 90蚊！？

去少3次日本就可以買樓... 咁係咪去少3次海洋公園就可以去日本？咁又唔係，去少3次海洋公園可以來回京都同大阪3次，又幾抵下。

講返正題，買咗個焗豬，咁就冇咗80蚊。

食食下見到阿智、阿德、阿賈、阿城、阿衞同阿覃行過。

阿德:喂，食緊咩呀？





我:焗豬囉。

阿智:不如一齊食？

我:得。

之後上返山玩。最後贏到6隻公仔。

係山上玩多兩玩就落山。

車上面

「嘩！你就好啦！」大一班人圍住阿兒講。





車，佢先得3隻。我多佢成倍，咁都好講。