毒撚大挑戰之女神要離開了！？: 拾貳-なに！？

屌鳩個擦鞋仔，同阿智阿德同埋阿城吹水已經成為咗我日常生活嘅一部分，但係依然好似缺少咗啲嘢咁。

阿兒話就話係隔離班，但係就同上年一樣，返學嗰陣完全係零溝通，只不過喺佢冇再send動態以及同佢傾計嘅情況下已經開始慣。

話咁快就一月，阿兒到而家都冇send過動態。

咦唔係喎，啱啱WhatsApp有動態更新，等我㩒入去先。

ななななな... なに？阿阿阿阿阿... 阿兒！？





不過一㩒入去，睇到嘅係阿兒讚緊麥Sir。不過都唔出奇，呢排啲人喺咁講麥Sir同阿兒其實係互相相愛。但同時我又感到少少呷醋(都唔知點解)。

同一刻既興奮又覺得少少心痛。

當然，我覆咗佢幾句，佢依然都係已讀不回。

--------------------------------------------------

咁又一個月...





ななななな... なに？又係阿兒？

但係今次個內容竟然係佢要出國留學！？

出國留學喎，係出國留學喎。

得知呢個消息嘅我癱咗喺張櫈度...

「去邊？」我拎起電話WhatsApp阿兒。





過咗幾個鐘，佢依然都係未覆。連上一個msg都係一樣...