毒撚大挑戰之女神要離開了！？: 拾陸-是時候該結束了

513事件之後，我同佢都冇再聯絡過，話晒都有牙齒印。

我睇咗睇月曆，原來已經7月3號。距離阿兒離開香港去韓國讀書仲有一個禮拜。

又諗返起嗰個為我喺小學末段增添色彩，又會喺我唔開心嗰陣安慰我嘅女仔...

但係自從嗰日之後就見識到佢嘅真面目有幾咁黑暗，同埋原來佢原來又係一隻擦鞋狗，只係對象變做數學老師咁解。

時間一日一日咁過去，腦入面係咁浮現出「如果冇同佢坐埋一齊咪唔會咁囉」「如果冇讀同一間小學咪唔會遇到佢囉」之類嘅諗法，令到成個人呢幾日都好負面。





-------------------------------------------

7月10號

「CX771 釜山...」我對住航班資訊屏講。

啱啱放暑假，又冇嘢做，所以過咗嚟睇下風景咁囉。

但係唔知點解我會對「釜山」呢2隻字特別敏感，好似令我諗起邊個咁。





喺機場打咗個轉，再上返去離境層嗰陣見到有一大堆人唔知做乜。

想食下花生嘅我行近少少望下，見到好多熟人，例如小學同學。

呀！我終於醒起今日係咩日子。阿兒今日要去韓國。

我回頭跑過去人群入面。可惜，阿兒已經出咗境。

而家嘅我只好返屋企攤喺張床度發返個靚夢。





呢2年嚟發生嘅嘢永遠都會留喺心入面，念念不忘...

-----------------------------------------

7個鐘後

「我到咗釜山啦」呢句message喺其他人眼中會覺得再平常不過。但係，喺我眼中，呢個message就好似心如刀割。尤其是係由呢個女仔send過嚟，但係我個心又叫我唔好再記掛住佢。

睇嚟要經歷一段痛苦嘅生活了...