毒撚大挑戰之女神要離開了！？: 番外(貳)-心想事成

「起身啦，到啦。」隔離嗰位拍醒咗我。

咪咪咪...咪住，到邊度呀？乜我唔係喺床上面打機然後恰著咗㗎咩。

醒咗之後，發現自己身處海洋公園。我開咗部電話睇，時間係F1旅行日嗰日嘅9點57分。而旅遊巴上面嘅人，清一色都係著住我間學校嘅PE衫。

落咗車之後第一時間緊係去搵阿兒先。

「不如我哋一組？」我問阿兒。





「好。」

我突然諗到樣嘢:阿兒之後會有男朋友。

即係話，如果要改寫歷史，就要今日向佢表白。

但係... 唉算，上咗山先搞其他嘢。

上山之後就去玩我最鍾意嘅碰碰車。





雖然今次喺第二次玩，但係技術都係冇提升(緊係啦，唔玩返三五七次邊會熟)。

阿兒:渣㗎。

我:第一次揸係咁㗎啦。

阿兒:屌。

反正呢個阿兒又唔知我之前有冇揸過，呃下囡囡都好。





玩完碰碰車就去咗睇企鵝。

「睇下，啲企鵝成個你咁。」我對住阿兒講。

「即係間接話我笨拙啦。」

「唔係唔係，企鵝幾得意呀。」

「口花花。」

「不如我哋落山食個飯先？」

「好。我都有啲餓啦。」

邊食嘢邊諗要點表白。





「陣間我哋上返山玩？」阿兒提議。

「好。」我答。

我哋上山之後玩攤位遊戲，最後攞到6隻公仔。

阿兒:好勁呀。

我:へへ，過獎啦。

原本諗住坐摩天輪去到頂點表白，但係摩天輪好死唔死而家先嚟裝修。

唉... 而家點算。





之後我哋坐纜車落山。

我:其實...

阿兒:？

我:我鍾意咗你好耐... 可唔可以做我女朋友...

阿兒:可以。

OMG!我發夢都冇諗過會咁。

班group好多人都叫我請食飯，但係佢哋應該唔知我表白成功㗎喎。

落咗車之後見到一大堆人要我請食飯，同埋亦都知道咗原來係坐前一架纜車嘅阿城爆出去。





之後我抱住一個興奮嘅心情返歸。