多謝OPEN DAY，令我鍾意咗妳: 第一章
「吓，你真係鐘意佢呀？」細細粒驚訝咁問我。
「細聲啲啦！」
「Okok~」
「可能係，總之我一對住佢就會紅都臉哂同好緊張。」我如實答佢。點解？因為佢係我最好嘅兄弟。
細細粒，全名程正謙，比較細粒（廢話），中三都只係1.5米高，帶住方形黑色遠視眼鏡。雖然我哋而家唔同班，但係都好friend，起碼會一齊食下晏，一齊練波咁。
而我全名就叫毛仁希，1.63米高（哈哈，1米6笑1米5），啲同學就不外乎都係一係就叫我英文名Adrian，一係就叫我「無人機」！哈哈，我啲同學係咪好有創意呢？
吖，重有一樣嘢，就係我之所以會同細細粒咁friend，係有原因嘅，就係…我哋嘅英文名都係Adrian！哈哈哈，係咪好得意好搞笑呢～
「加油呀無人機！我一定撐你架！」細細粒比咗個加油嘅眼神我。
「咁你會點撐先？」我瞇起對眼嘅問佢。
「至少，我會心靈上支持你。幫緊你幫緊你架。」佢笑笑口咁同我講。
唉，咁使你撐！？
各位係咪無頭緒究竟我哋喺度噏乜春呢，好，就由幾日前日開始講起。
--------------------------------------------------------------------------------
[04/07/2020 20:24] Mr. Tang: Hello Adrian.
[04/07/2020 20:24] Mr. Tang: Will you be able to help for Open Day?
[04/07/2020 20:25] Mr. Tang: Want to invite you to do some video shooting live.
佢一連send咗3個message比我，無非就係叫我去學校嘅Open Day幫手。
Mr. Tang，我哋學校嘅Head Of ICT。雖然係咁，但係都會同我哋啲學生打成一片。
既然佢都咁叫得我咯，咁我都實在無理由拒絕架啦，我又咁熱心助人（好似係），當然一口答應。
[04/07/2020 20:27] Mr. Tang: Adrian, ok to stay behind in the afternoon for lessons 567 next week from Wednesday onwards?
[04/07/2020 20:28] Mr. Tang: We can buy lunch for you all, so you do not have to go out to grab lunch.
[04/07/2020 21:00] Me: Okay.
跟住？我咪由星期一開始就留喺學校度上zoom囉。
當然，就梗係唔淨只我一個比佢叫到啦，仲有一個Form 2嘅男仔，佢叫Curtis，矮矮地，肥肥地，都係帶住個黑色嘅眼鏡。咦？啲特徵好似阿Dee咁喎。係，係真係幾似，起碼高度差唔多，但如果度BMI嘅話就會有明顯分別架啦，哈哈~
仲有兩個同學，都係同我同班，一個Ava，一個Coco。Ava係一個五官都叫做標緻嘅女仔，全級考第一，都係帶住個圓框眼鏡。Coco就係一個…男仔！點解？好簡單，因為佢全名叫做Iwai Kong Toshiko，係咪好複雜呢，所以我哋簡稱佢做Coco算。
最後，就係一個嬌羞可愛，162cm高，五官端正，有著水汪汪嘅眼睛，紮住all back馬尾嘅Form 2女仔。唔～只可以話係Mr. Tsang識得揀人。
「我叫Cloud呀，我2A班架，你呢？」呢個可愛嘅女仔問我。
「我…呃…我叫Adrian，3E班。」我怕怕醜醜回答。
「哦~原來你Form3架啦，怪唔得知之前無見過你啦。」佢微微一笑，然後佢條馬尾就fing下fing下咁行返埋佢個位度。
嘩，撩我呀你喺度？
定抑或只係我諗多咗呢？
點都好，唔知以後，我哋會唔會有啲咩發展呢呵！？會唔會…
「嗨～Hello～食飯啦無人機！諗咩諗得咁入神呀你？定係喺度昅緊女？」Coco喺我面前揮咗幾下手，又喺度奸笑。
「黐線！我邊有？」我塊臉又不自覺紅哂。
唉，我留意到Cloud喺度偷笑！
「哦～咁唔好意思喎，誤會咗你添~」Ava仲要笑笑口咁望住我。
「其實呢，點解你會叫『無人機』嘅？」Cloud仲含緊注麵，鍔高咗頭咁望住我。嘩，佢對眼真係好似識得放電咁。
「吓？Er… 因為我個名叫毛仁希，讀音就有啲似『無人機』。不過咁，我就都真係好鐘意玩無人機，所以咪會有呢個花名囉。」話時話吖，點解佢問我咁多嘢嘅？
「哦～即係航拍機。」佢好似好有興趣咁問我。
「係，我玩嗰部係Mav Air 2，幾好玩。可以最遠飛到10公里遠，鏡頭又有4800萬像素，拍到4K嘅相或者片，又有避障功能…」我有個缺點，就係當你觸動到我某啲神經，例如無人機，嘅時候，我就會滔滔不絕，講到想停都停唔到。
之但係，Cloud都依然好認真聽。
「唔，就係咁囉。」由於我終於都發現到其他人開始覺得唔耐煩，所以我都係唔講落去住啦。
「嘩，我都想要…」Cloud越講就越細聲，而且我仲注意到佢臉上閃過一下苦澀嘅面色。
點解嘅？既然佢都咁有興趣聽我講無人機嘅嘢咯，點解佢嗰種表情會令我覺得佢同無人機會有段悲憤嘅故事咁嘅？同埋，佢既然對無人機咁有興趣，佢自己應該都有部先啱架，哦～可能佢都想要姐，但係佢啊爸啊媽又唔比佢買，所以咪咁嘅樣囉。唔，我真係諗太多啦。
定係，我反而諗得太單純呢？
「喂喂喂，聽到嗎？聽到嗎？聽到嗎？聲音畫面有冇問題？」唉，要開始zoom啦。
順帶一提，呢句嘢係我哋得意嘅Econ老師每次開zoom嘅第一句嘢，風雨不改。
「請問大家見唔見倒我而家個screen呀？」Econ老師問。
哎呀老師呀咪咁戇…居啦，我點知你個screen係點呀，我又點知係咪睇倒你而家個screen呀？
「哈，佢呢條問題同叫冇到嘅同學舉手真係異曲同工之妙！」Coco笑。
問完呢條咁無聊嘅問題之後（當然冇人開咪答佢），佢就開始教書lu。
「Price一升，quantity demanded就會跌；Price一跌，quantity demanded就升。」
「Price一升，quantity supplied就會升；Price一跌，quantity supplied就跌。」
「Demand＆Supply Curve呢就會係一個cross，中間交叉嗰點就係equilibrium…」
哈，以上呢幾句就係我上完Econ堂記得嘅嘢。哈哈，真可笑。不過，最主要原因都只係因為我哋幾個都喺度傾計，冇諗個聽書。
OH，50分鐘終於過去，終於zoom完lu，yeah！
「午安呀大家～好，我哋今日呢就會播返大家嘅個人短講片段，等大家睇下大家同學講成點啦~」電腦出現我哋中文老師嘅聲音。
喂，你又話zoom完嘅？你呃人！
係，我哋真係zoom架完啦，之不過而家係google meet緊！哈哈哈哈~
吖，唔好笑住。今次死火啦，我哋親愛嘅中文老師要播我哋拍嘅片呀。死啦死啦！
「黐線架佢，播我哋啲片出嚟！？」Ava大鬧中文老師。
「哎唷，我唔使喎。」Coco因為係日本人，所以被列為非華語學生，唔使上中文堂。
「收聲啦！識華語嘅非華語學生！唉，仲要連堂中文！」我鬧Coco。
係呀，我要上100分鐘嘅地獄中文堂呀！
「嗱，呢位同學呢就可以比多啲例子，因為而家你個內容好空泛呀…」
「唔~呢位同學呢，我覺得就可以講多個point，因為其實你而家冇乜内容呀…」
…
「好~咁今日就到呢到啦，拜拜。」嘩好嘢，100分鐘總算過咗。
我哋又傾多陣偈之後，就比Mr. Tsang叫咗去綵排下。
不過，喺我哋頭先傾偈嘅時候有2句嘢不停浮現喺我嘅腦海入面，就係…
1.「哈，原來我哋都係精英班架！」Cloud講嘅時候仲要望住我。
吖，想補充嘅係：我哋學校中一至中三都有2班精英班，分別係A班同E班。Cloud, Curtis都係2A班，Ava, Coco同我就係3E班。
2.「冇呀，我未拍過拖呀~」 Cloud講嘅時候嗰種語氣就令你感覺到佢真係想試下拍拖。
點解佢講句一嘅時候會全程望實我嘅？佢一眼都唔望Coco，唔望Ava，唔望Curtis架喎！？雖然佢講句二嘅時候就只係有意冇意咁望我幾眼，唔多唔少，其餘時間都係望住張枱。但係嗰幾下有意冇意嘅眼神都只係對住我一個…
點解嘅！？有冇人可以解答到我呀？唔通，唔通佢真係…
「記住一定要影住個家賓嘅正面，千奇唔好影佢哋背脊。知唔知道？」Mr. Tang温馨提示我哋。佢呢句嘢完美咁將我抽離思想空間，將我帶返返去現實。
「好啦，咁今日係咁先啦，拜拜。」Mr. Tang講完之後就獨自行返入教員室。
「嘩~好攰呀今日，仲要搞到咁晏~」Curtis嘆咗口氣。
「係囉，而家成7點幾啦！好想快啲返屋企食飯。」Cloud笑住咁答佢。
「吖係喎！返去仲要搞掂埋遍作文呀~」
「係喎，但係唔係好難姐~半個鐘實搞掂啦。」
咦？點解我會有啲唔開心嘅？呢種唔開心，就好似喺度呷繄醋咁。唔！？我喺度呷醋？有咩好呷呀？妒忌Curtis同Cloud有傾有講？妒忌Curtis同Cloud咁friend？
唉~算啦，我都唔知。
之後嗰幾日，都係差唔多。大家會一齊除罩（口罩）食飯（當然冇爆群組）、一齊上zoom、一齊傾呢樣傾嗰樣。總之我哋大家嘅關係都親密咗，包括我同Cloud。而且，我咁大個仔都係第一次因為八號風球停課而唔開心，因為冇得見Cloud。所以，我可以肯定嘅係，我鐘意咗Cloud。我亦都同咗細細粒講，所以，呢個插敍部分經已完結。
現在為你回到主時空…
--- - - - - - - - - - - - - - - - - - - - - - - - - - - - - - - - - - - -
「咁我可以點勾引佢呀？直接走落2A班揾佢同佢講『我鐘意妳』呀？」我心急咁問細細粒。
「你可以咁做，我不突只唔反對，仲會同你一齊去添！」細細粒奸笑咗下。「不過更理智嘅做法呢係首先你可以…鈴鈴鈴」
唉，當細細粒終於講到重點嘅時候就比一個無情嘅鐘聲恨恨咁打斷咗。
唔~我應該要點先可以去擄去佢嘅初戀呢？
呢個問題，我諗咗成個晏晝都諗唔到…
幾日之後…
吖，係喎，我可以…