因為妳，我學識左愛（籃球 少甜）: 3 逃避雖可恥但有用

我在觀塘街市附近嘅一間士多翻。行過去嘅時候，硬係覺得有人跟住我。行到和樂村果度，我一個好奇心望向後面，竟然係Cassie。我決定心諗發生左咩事。唯有問佢「你做咩跟住我，你唔係同肥強啊鵬佢地食飯咩？」 「冇啊，你話唔食，佢地話咁就冇癮，就話約下次喔～咁我埋翻屋企咯。」Cassie又露出佢果個迷人嘅笑容。個笑容係可以殺死人果啲，姐係靚咯。我都承受到呢啲威力，當我單身18年嘅威力流㗎咩。之後佢再指住我返工果間士多上面講「我住果度啊。」 睇來世界真係好細，估唔到我翻工嘅地方同佢嘅距離係咁近。 我聽完之後，單回一句「哦～」但係在呢個時候，竟然係要等紅綠燈。 Cassie企在我隔離。佢無啦啦問我「今年考dse，你仲有咁多心機去返工嘅？」「窮。」我好想快啲綠燈，但係點解咁耐都唔轉燈。「咁你唔驚成績差咩？你唔諗住讀u咩？」Cassie繼續問。「唔驚，睇情況。」空氣靜左，我地亦都冇再講嘢。一陣之後，終於綠燈。我地一齊行到士多門口「拜拜～」我講完就入去鋪頭。「拜拜。」Cassie同揮手講。係度你地會問我係唔係on9啊，個女仔同你講嘢，做咩唔理佢，仲要咁串。但係你地要明白，一個卑人玩過愛情嘅人，係好難再去信愛情。就好似卑人帶綠帽咁，都驚下次卑人戴。與其驚受傷害，咁不如唔好掂啦愛情呢家嘢。   我入到鋪頭，同左全叔打左聲招呼。全叔係間士多舖嘅老細，呢間鋪頭已經係有40幾年歷史，而佢今年都70幾歲啦～全叔同啲街坊好熟，成日有講有笑，但係全叔都幾慘。原先佢有個好靚嘅老婆，但係40年前，全叔個老婆因車禍，失血過多而過左身。全叔都頹左好耐，成日飲醉酒。去到最尾得到身邊嘅朋友幫助，同埋佢同老婆嘅積蓄，最尾在觀塘開左間士多。而我點解知咁多，係因為全叔好鍾意夜晚收工，叫我同佢一齊飲酒，飲酒都離不開講下心事，舊事。我生活上有咩煩惱，都會同全叔傾下。唔好以為全叔好老，傾唔到解，其實佢啲思想唔會同依家啲後生仔差得遠，有時，佢啲意見仲好多肥強同啊鵬。  「女朋友仔？」全叔問。「冇啊，邊有啊？」我除左件校服，換番件衫同鞋，就幫全叔set貨。「頭先同你一齊來果個唔係你女朋友仔咩？」全叔繼續set貨。「哦～果個女仔係今日新嘅插班生，佢住在呢度樓上。」我keep住做嘢。「哇，你個衰仔，今次你有運行啦！」全叔拍一拍我個頭。「痴線嘅，呢啲嘢埋搞我啦～上次果單嘢，搞到我人唔似人，神唔似神，算啦算啦～」「唔知點解，我見頭先果個女仔，唔似係果啲收兵女神咯。」「哇，全叔，收兵呢個字你都識啊，勁喔～」「你當我流㗎咩，咩觀音兵啊，運輸兵啊，果啲我都識㗎，仲有咩......」好彩頭先可以扯開個話題，如果唔係，真係有排講。 「喂，雲哥，全叔！」我同全叔望向門口。係肥強同啊鵬。因為之前肥強同啊鵬來士多搵過我，所以全叔都認得佢地。「你地兩隻嘢啊，今日咁得閒啊，來探我啊」全叔笑住講。「係啊，冇見你一排，都係咁靚仔喔～」啊鵬講。「你都係咁鍾意擦鞋嘅～」全叔一下就督穿啊鵬。「飲罐汽水啦。」全叔攞左兩罐可樂卑阿鵬同肥強。「多謝全叔！」 我行埋過去問佢地「點啊兩位大少，有咩幫到你啊？」肥強飲左啖汽水「差啲唔記得，全叔，你可唔可以唔好叫雲哥一放學即刻返工啊，頭先放學，諗住叫佢食野，順便識下新來嘅女插班生，點知佢話要返工所以唔來。」「係唔係頭先果個女仔啊？啊雲。」全叔問我點點頭。「我冇叫佢放學即刻來啊，我都叫佢去馬去識下人㗎，但係個衰仔唔聽，唉～」 「拍咩拖啊，有波打埋算咯，今晚收工打波啊～」我又扯開個話題。 「好啊雲哥，咁我同肥強打陣機，再搵你咯」啊鵬講。「好啊。「咁我地走先啦，拜拜全叔，多謝你罐汽水。」肥強講。 「客咩氣啊，入啊雲嘅數埋得咯，你地走啦，拜拜」「拜拜～」「咩啊～」我黑人問號左。佢地走左之後。全叔講「我發覺你成日都係咁喔，一有啲咩，就避開左佢。」我笑一笑。因為逃避，都真係幾有用。