去到最後，先發現我哋之間只係一場連環不幸事件。: 第一章

原本係三條平行線，但突然有咗相交嘅一點。

「大家好，我係xx小學自己升上嚟嘅子𤋮，希望大家可以同我做個朋友。」黑黑瘦瘦嘅子𤋮企喺白板前面，雖然獨自嚟到呢一間中學，但佢嘅笑容非常燦爛，每個人都爭住同佢做朋友，不過子𤋮眼入面只係睇到坐喺課室角落頭，戴住眼鏡白白淨嘅均洋，二話不說就行咗去佢隔離坐低。

而返學第一日就遲到嘅浠凝，入到課室只有一個位淨，就係喺子𤋮前面嘅一個單丁位。

「喂！你哋叫咩名呀？」浠凝係一個好怕孤獨嘅人，雖然唔多將自己嘅感受講出嚟，但係唔想返學第一日一個人都識唔到，佢就擰轉同子𤋮仲有均洋傾偈。浠凝回眸一笑，配上佢嘅腰果眼，全日冇講過嘢嘅均洋即刻醒哂，係咁撩佢講嘢，可惜浠凝一早已經俾同自己一樣笑得好甜嘅子𤋮吸引咗。

一段三角戀從此萌芽，有別於平時一個人介入兩個人嘅感情，佢哋三個都唔鐘意自己鐘意嘅人，但係咪就要咁樣落去呢？