《我强姦咗個女同學》(一)
 
强姦嘅地點係宿舍。
 
當時我同幾個學校裡面識咗幾個月,覺得都幾夾嘅同學夾份租咗個地方一齊搬出去住。
幾個後生仔一齊住,都有啲似拍偶像劇嗰種感覺,一齊返學一齊玩,有時喺廳做下功課,煮嘢食,睇電視咁。
成件事好青春好熱血好友情充滿希望帶著愛。
仲要嗰陣屋主都住喺度,但好少出嚟,無咩點理我地,好處係關於間屋有咩問題可以即刻搵到負責人搞。
所以我地都好識做,平時玩還玩,都唔會玩得太嘈,地方都盡量保持乾淨企理。


 
宛兒間房喺我隔離。
當時睇樓决定點分房嗰陣,我揀咗二樓最盡頭前一間。
聽講揀酒店房唔好揀尾房,會聚陰氣有鬼。
不過主要原因都唔係咁嘅。
間屋既然本身屋主都住緊,加上一直有放租俾人,所以裝修都會有啲,而且都算靚。
宛兒就揀咗間裝修係比較女性化嘅房。
幅牆係胭脂粉紅、白窗簾、檯檯櫈櫈係滴露嗰隻啡色。
感覺有少少懷舊,但聞落陣味都清爽。
可能因為窗口外面係對住座山,所以空氣好啲啩。


所以我都揀咗隔離可以對住同一座山,景觀一樣嘅房,而其餘三個同學就分别有個住同我同層,隔咗條樓梯嗰間,一個住樓上屋主隔離,另一個住地下嗰層比較大少少嗰間。
 
分配房間上無咩問題,生活上彼此亦好快適應到大家作息時間同習慣。
 
好「友情」咁,當時我都有過一陣子幻想,大家會做到一世好朋友。
即係大家一齊成長,會睇住大家結婚,做兄弟姐妹,生仔,講下湊仔經,老咗捉棋做阿伯嗰隻。



………………………………