《我強姦咗個女同學》: 《我強姦咗個女同學》（十三.二)

 
《我強姦咗個女同學》（十三.二)



每個月嘅四號之約，直到今時今日都無間斷過，因為我地講好就算唔齊人都要照出嚟。
當初呢個規則真係設立得好好。
 
撞啱有次聚會係星期日，嗰日反而個個都話唔得，一係就話有嘢學、一係就話要陪屋企人。
「咁你呢？」我問宛兒。


宛兒：「我得閒。」
「得我同你咋喎。」
「有咩問題？」
無問題，以前好多時候都係我地兩個人一齊咁過星期日。
我會話去行公園，跟住去超市買嘢，拍拖做嘅嘢同一般家庭生活無咩分别。
可能諗得太早，但兩個人一齊應該係要時刻維持拍拖嘅甜蜜定享受日常生活嘅平淡？
 
「如果你無特别嘢做，我地約早啲吖。」
「好啊。」
 


宛兒好爽快答應咗。
我話約早啲，即係預係成日都同佢一齊過。
佢應該唔會覺得有咩其他意思嘅，問心我有無咩想講或者想做？
唔知呢。
 
嚟到星期日，宛兒話三點後先可以，想同屋企人食個午飯。
咁就三點後啦，俾多個幾鐘你抖下又點話。
我係咪好體貼呢？
宛兒無咁讚過我，不過有話過我好得意。
 


喺宿舍，我同佢日見夜見。
去到星期日，我瞓下，大概四點幾發惡夢扎醒咗，瞓唔返嘅時候諗起宛兒，就打電話過隔離房。
望向窗外面，個天都仲係黑，如果唔睇鐘，根本分唔到係夜晚嘅幾點鐘。
隔住道牆，我聽到佢電話響。
 
「做咩啊？阿峰。」
一個應該係瞓到最沉最舒服嘅時間突然俾電話嘈醒，但佢把聲竟然好清晰，一啲都無一種慵慵懶懶嘅口吻。
「宛兒啊，不如聽日我地成日都唔好見面囉。」
「聽日？」
夜晚好靜，隱約聽到佢撥把頭髮，又或者係個頭喺枕頭上面碌嘅唦唦聲。
「即係星期日。」
「嗯......」
「全日都唔可以喎，但你可以打俾我。」
「做咩？你病咗？」
我聽得出佢係縮喺被竇裡面講。


「無事。」
「你嬲我啊？唔好。」
「無嬲你。」
「咁做咩話唔想見到我。」
「因為、因為成日見到，會厭囉。」
「吓......」宛兒好驚咁：「你咁快玩厭我喇？」
「邊有玩你啫，但我地試下玩呢個遊戲好唔好，一日、一日唔見你，睇你會點。」
「嗯......你肯定嬲咗我啦。」
宛兒收咗我線。
之後嗰日，我無出過去廳，食嘢都係隨便講個理由叫正豪沖杯麵攞俾我。
真係做到成日都無見過宛兒。
但我打俾佢時佢無聽到電話，之後連續幾日都無咩點睬過我。
等到有日，個廳度無人嘅時候，我推低佢落張梳化度責住佢。
「趙宛兒，經歷過成日見唔到我嘅感覺係點？」
「會諗起，你今日竟然無錫我。」


我摸一摸佢個頭：「即係好掛住我啦。」
「無，剩係諗起你。」
「唓！咪一樣。」
宛兒推一推開我，但邊度够力吖。
「剩係諗起，無掛住。」
「咁我話答啱你錫我一啖同你答錯錫返我又有無分别。」
宛兒擰一擰頭：「唔答你。」
 
………………………….