《我強姦咗個女同學》: 《我強姦咗個女同學》(十七.九)

《我強姦咗個女同學》(十七.九)

離開公園，我俾咗杯咖啡宛兒。

「咖啡？」

佢雙手攞住杯嘢聞咗聞。

「買咗無幾耐咋，啱飲㗎喇。」



杯嘢應該介乎熱同暖之間。雖然宛兒鐘意食熱嘢，但飲方面唔會飲到好熱嘅水，如果連飲嘢都要好熱就真係黐線。

「你呢？」宛兒將杯咖啡遞到我面前俾我聞。

「唔喇，頭先嗰兩個女人叫我買俾你飲喎。」

宛兒攞開杯嘢：「又係人地叫你先做。」

我即刻攬實佢：「唔係啊，佢地係咁講，杯嘢我揀㗎。」



「你又知我想飲呢樣？」宛兒打開杯蓋，又聞咗聞。

「唔知㗎，見間嘢張廣告相影得靚咪買。」

宛兒睇下杯嘢：「靚咩？」

「張相係㗎，不過佢用咗呢啲紙杯之嘛，係咪想靚啲？我畫啲嘢上去。」

個杯真係最普通嘅熱飲杯，黑色膠蓋、白紙杯，咩圖案都無、連舖頭名都無。



「唔要你畫嗰啲恐怖圖案。」

「咁快啲飲吖，飲晒佢。」我捉實佢隻手。

「嗯......飲晒會瞓唔著㗎。」

「瞓唔著我陪你傾偈，或者做其他嘢都得。」

宛兒飲咗啖：「唔要。」

我喺佢背後攬住佢，睇住佢好似飲中藥咁飲晒杯嘢，一路摸佢個頭。

「乖乖地飲晒，係咪唔苦呢。」

「係喎，點解嘅？」



宛兒飲晒杯嘢之後遞返個空杯俾我。