《我強姦咗個女同學》: 《我強姦咗個女同學》(十七.十二)

《我強姦咗個女同學》(十七.十二)



去完觀光塔之後原本行程應該係去一條主要俾遊客行嘅步行街，但我地就去咗個又似藝術館又似劇院嘅地方睇咗套短片。雖然用嘅時間唔多，但都阻咗部份時間。
到達目的地嘅時候都差不多黄昏，由於宛兒話一日要食足五餐，所以嘉欣都特登揀咗間食蛋糕甜品嘅舖頭俾我地去食下午茶。

一去到條街，宛兒同我好粗略咁行咗轉，搵到間蛋糕舖，宛兒就話要入去食。

我睇睇時間。



「呢個鐘數食嘢，陣間點食飯。」

「唔得，如果我地嚟到又唔食，佢會唔開心㗎。」

咁又係嘅，好似佢安排俾我地嘅嘢，實際都無咩點跟到。見間舖頭又幾靚，一路我地又行咗段路，搵地方坐下休息下都好嘅。

我望下間舖：「好啦，見入面又無咩人，如果下午茶時間嚟應該要等位，去吖，咁遠嚟到試下好唔好食。」

我講咗好多理由去支持入幫襯呢間舖頭，諗返轉頭其實唔使啦，係咪都會入去㗎啦。


由於呢個時段唔算多人，我地可以揀個自己鐘意嘅角落位，仲可以揀張四人位嚟坐，側邊擺下嘢㖭。

一坐低，宛兒即刻打開餐牌：「好多嘢食，全部都好靚。」

望下又確實全部都整到好靚，睇落都唔會難食得去邊，不過份量就有啲大。

宛兒：「如果佢地都喺度就好，可以叫多幾樣分嚟食。」

「如果佢地都喺度就唔會係咁啦。」



「咩話？」

我喺檯面拖住宛兒隻手：「唔緊要啊，你想食咩咪照嗌，嗌齊五樣囉。」

宛兒有少少唔好意思：「咁又唔好，食唔晒㗎。」

「唔理你，同我揀五樣嘢出嚟，你食唔落咪我食囉。」我揸一揸實佢隻手。

「咁啊......」宛兒由頭到尾睇多次份餐牌。

佢似係想搵啲份量最細嘅嘢食嚟嗌嘅，不過全部睇落又差唔多，搞到揀唔落手。

我攞咗個餐牌：「有無咁難，你無嘢唔食㗎啦，今次我揀。」
然後我點咗兩杯嘢飲、兩件蛋糕、一份甜品。



店員送餐過嚟嘅時候，對於我地兩個人食咁多嘢都無表現到好驚訝同奇怪，可能好多人都會咁做，而且睇實物時又唔無想象中咁多到食唔晒。

「你睇，其實唔多㗎。」我同宛兒講。

「咪睇小呢啲，食完會好飽㗎。」

「你怕肥？唔驚喎。」

「邊係，我驚食唔晒浪費食物。」

「都話唔會囉。」

我將啲嘢分成兩份，俾宛兒嗰份就切細份啲俾佢。

「唔使咁樣就我喎。」



「你頭先都係話想幾個人樣樣試下，分三份一咁切俾你已經俾多咗，唔准你食咁多，肥咗走晒樣嘅話我唔咩你㗎。」

「唔要我？」

有時都好怕唔知唔覺意講咗啲咩就會激嬲佢，但又唔想就住晒咁去講嘢。

「你自己諗，不過點都唔會係你諗嗰樣。」
食完蛋糕之後，我地再來回行多一次條街，間中入去啲睇落得意嘅舖頭，有紀念品店、服裝、手信、工藝品、便利店、寵物店。

行完之後就跟返行程去下一個景點。

………………..