《我強姦咗個女同學》: 《我強姦咗個女同學》（十八.三）

《我強姦咗個女同學》（十八.三）



之後我發咗個惡夢。

夢裡面喺間好大嘅屋裡面，我係要搵出口嘅，感覺上我係知應該點搵條路，但現實中又無印象去過一間咁大嘅屋，或者係睇戲見過嘅場景同劇情啦。間屋嘅大，係我行到邊就延伸到邊，無止境嘅大，所以亦係無止盡嘅恐怖。
最後係宛兒叫醒我。

其實無最後，因為如果佢唔叫我，可能有排發展落去，唔知去到幾時。


「你又發夢啦。」宛兒坐咗喺度，搵張被包住自己，好似雪人咁。

「係啊，又發惡夢。」

我無特别將夢境内容講俾佢聽，因為内容都幾無聊。

宛兒坐開半個身位：「乞人憎，同人做完就發惡夢。」

「無啊。」我扯住佢張被。



「啱啱你先咁講。」

「啊......知道喇，可能因為未夠。」我拉住佢張被：「過返嚟吖。」

「唔制。」宛兒係咁擰頭。

「唔好啦。」

「真係唔好喇，我換好衫喇，要出去食嘢喇，遲咗會多人，我唔想排隊。」



宛兒攞開包住自己嗰張被。

佢真係已經換好晒衫，係尋日襯好掛喺度嗰套。又係一套我未見過嘅衫，黑色上衫配軍綠色短裙。

「快啲！」

宛兒攞我套衫過嚟。

我摸住佢隻手：「唔換得唔得。」

「咁我幫你著吖。」
宛兒好熟手咁幫我著好套衫，仲幫我梳埋頭。

老咗嘅時候，佢會唔會都一樣咁樣去照顧我呢。
「宛兒。」



「咩事？」

整裝好之後，佢坐喺我面前，好似造型師睇返自己成果咁望住我。

「你第日唔會唔咩我嗰呵？」

「你想講咩？」

「嗯......都係無嘢喇。」

宛兒笑笑口咁遞隻手埋嚟：「俾你拖住吖。」

我扯佢埋嚟錫咗啖：「好啊。」



……………..