《我強姦咗個女同學》: 《我強姦咗個女同學》（十八.五）

《我強姦咗個女同學》（十八.五）


宛兒佢無戴耳環，但就有穿到耳窿。

我掂一掂佢耳珠。

「好少見你戴耳環，印象中係咪都無見過呢？」

宛兒搣住我耳仔。



「穿咗都唔一定要戴，有時勾到啲衫或者其他嘢會好痛。」

突然間，連我都感覺到耳仔因為戴耳環勾到嘢扯到嗰隻痛。

唔止痛，仲好恐怖。

「你想睇我戴耳環？」佢隻手繞過我條頸，好貼身咁喺我耳邊講。

「唔係啊，問下之嘛。」



「咁你呢？」

「我咩？」

「你估我想你有咩喺身。」

「我可以有啲咩喺身？」

宛兒拉開少少我件衫領，好快咁錫咗下。



彈返開嘅時候好怕羞咁講：「咬你，等你有我啲牙印。」

「你都無咬落去。」

「唔.....制，呢度有其他人喺度。」

「你有重視過附近啲人點睇我地咩，全程、係全程你都挨晒埋嚟。」

「有問題咩，我想吖嘛。」

「其實啲人會唔會覺得，你兩個唔好喺條街咁啦，返房扑嘢啦。」

宛兒放低繞住我條頸隻手，行下跳下咁走開去。



「呢度得你一個咁諗咋，咸濕仔。」
講下講下，唔記得之後做咩。

總之我地最後都無食到嗰間餐廳嘅邊爐。

宛兒同咗我去搭鐵路，話想隨便去一個站就落車睇。

我問佢想邊個站。

佢望住個路線圖，指住其中一個轉線站之後嘅第二個站。

「呢個吖。」

我企喺佢身後攬住：「呢度有咩特别。」



「唔知㗎，隨便揀。」

「咁求其㗎你。」

「無所謂啦，唔試下點知。好似你都係，我未試過之前都唔會覺得我會同你拍拖，會鍾意你、會掛住你、會記住你嘅好、接受你嘅差......」

「夠喇，你再講我會感動到喊。」

「你咁弱㗎咩？不過我會接受嘅，一個無論係點嘅你我都會鍾意。」宛兒講完之後用手遮住兩邊面：「好尷尬。」

「唔會啊，我都好鍾意你，調轉係我都可以咁同你講。」

「咁我要記住先得，阿峰話鍾意我。」宛兒擺隻手喺嘴邊，對住車窗外條街細細聲咁講：「你地幫我聽住，佢咁講㗎。」

我摸一摸佢個頭：「你傻㗎？同邊個講。」



宛兒掂住塊玻璃指住條街：「佢地會聽到㗎，你應承過我㗎。」

「你真係好可愛。」

我挨埋佢度，塊面貼住佢隻耳。

有少少涼涼地，感覺好舒服。

…………….