《我強姦咗個女同學》: 《我強姦咗個女同學》（十八.七）

《我強姦咗個女同學》（十八.七）




間百貨公司細細地，一入去就係賣啲女仔嘢嘅櫃檯。

宛兒去咗其中一檔，攞起咗對耳環擺喺耳仔隔離。

「靚唔靚？」



「唔係講靚唔靚，係襯唔襯。」

宛兒扁扁嘴：「咁襯唔襯？」

「幾好啊。」

宛兒打算放返低，但我塞返落佢隻手。

「做咩放低？」



「你都唔鍾意。」

「有講過咩？」

「無......但你唔鍾意。」

宛兒照放返低就行咗開去。
我跟住佢尾，拖返住。



「喂，仲有其他㗎嘛。」

宛兒停喺度：「仲諗住俾你睇下我戴耳環係點。」佢搖一搖我隻手，又繼續行：「其實我有帶嚟㗎，不過今朝無戴到，今晚吖，戴俾你睇，但原本想俾你即刻睇㗎，但你又無咩反應咁，算啦，今晚先睇。」

「原來你有咁好㗎。」

「你話未見過吖嘛。」

經過另一檔賣飾物嘅檔仔，我叫停佢。

「等陣，睇下呢檔。」

「唔啦，其實我有，唔使特登買，本身都興趣不大，只係你講起先睇下，我唔係想買㗎。」

我攞起條手鏈，銀色、有個金色嘅圈做配飾。



「攞隻手嚟襯下。」我擺上佢手腕上面：「望下鍾唔鍾意。」

宛兒望咗眼：「唔......」

「咁就呢條啦。」我幫佢戴起條鏈：「戴住，提你以後唔好再咬手指。」

「咁我咬啲手指，唔係應該買戒指咩？」

「咁快想我買戒指俾你？你好恨做我咩咩啊？」

宛兒即刻話：「唔係。」

「你睇你答得幾快。」



「唔係啊，我無啊，你蝦我。」

「而家係你唔要我，咁講吖，如果我問嘅話，你會唔會......」

「唔會。」

佢又係答得好快。

我攞起佢隻手，隨便攞起隻戒指戴上去。

隻戒指好幼身，好似一啪就斷咁，細細隻。

我由尾指開始戴落佢手指度位，穿過尾指、無名指、中指、食指之後，覺得中指係比較適合。

「買埋呢樣吖，啲平嘢嚟啫，都係用嚟襯衫嘅啫，呢隻無意思嘅，但條鏈方面，你唔好再咬自己喇。」



「唔使啦，我記住咪得。」

宛兒想除返低條手鏈，但一隻手除有啲難。

「唔得，我送俾你你唔要都得㗎咩？」

「我唔要啊！」

宛兒用力扯甩條鏈掉落地，突然嬲咗咁走咗去。

我執返條俾佢扯甩咗個扣嘅手鏈。

「你又做咩，我都無話你啲咩。」



宛兒行開咗十幾步之後又返返轉頭：「唔係啊，我無啊。」

我摸下佢額頭：「唔舒服咩？你明明無嘢㗎，」

「無嘢啊，所以咪即刻返轉頭要要返你囉。」

宛兒即刻攬住我隻手。

我攞條鏈去佢面前：「你睇，爛咗喇，但爛咗都要買。」

「唔緊要啦，應該好易整返啫，今晚我整返好。」
結果，買咗條鏈之後店員幫我即刻整返好個扣，但之後都唔敢戴落宛兒隻手度。

而嗰隻戒指，喺我地咁樣擾攘一輪之下唔記得俾錢，直到好後期先醒返起。

……………….