《我強姦咗個女同學》: 《我強姦咗個女同學》（十八.十三）

《我強姦咗個女同學》（十八.十三）




一去到，宛兒就同我去咗間有得賣新鮮食物嘅超市度：「不如我地喺度買嘢返去整晚餐食吖。」

「點整喎，都無地方煮。」

「我想煮嘢俾你食。」



「以前仲煮唔夠咩。」

「嗯......你厭咗我喇？」

我搣落佢塊面：「點會呢？咁真係無嘢可以煮到吖嘛，下次啦，下次去我屋企煮。」

「你屋企有廚房㗎？」

「你呢個咩問題嚟？屋企梗係有廚房㗎啦，我仲有煮飯㗎，工具調味料嗰啲都齊。」



「我咪講呢啲囉。」

「喂，你成日問我，咁你呢？你屋企係點，除咗講你細佬之外，屋企係點樣㗎？我可唔可以上去？」

宛兒諗咗諗：「不如我地今晚野餐，好唔好？」

「做咩拉開話題，講咩野餐？」

宛兒無理我：「尋日咪買咗支酒嘅，今晚野餐嗰陣飲，好夾啊！」



其實再問佢都應該唔會答，呢刻佢只會答關於野餐嘅事。

「哦，好吖，做咩無端端話野餐？」

宛兒拖住我行去個賣麵包嘅區域：「都唔無端端㗎，你話好耐無去郊外，咁咪想同你野餐囉，嚟睇下揀咩好？買麵包整三文治？仲有買生果？」

「買少少啦，都無地方真係整到嘢食，又得兩個人。」

「嫌少人？」

「唔係，對住你都夠啦。」

宛兒好開心咁笑。



「有我就夠嘅話咁我剩係買一份㗎咋。」

「都好喎，每樣買一份，咁就可以試多幾樣，你真係抵錫，咁都諗到。」

「嗯。」宛兒輕輕錫咗我一下：「咁我揀㗎喇。」
除咗買食物，宛兒仲買咗個野餐用嘅藤籃同一張紅白格仔檯布，仲有啲唔係即棄嘅餐具。
「頭先我話買匙羹你就咁多嘢講，而家就買咁多無謂嘢。」

宛兒扁晒嘴：「唔無謂，無呢啲邊度似野餐。」

「咁買埋套似著去野餐嘅衫啦，全套吖嘛。」

「咁又好似多咗。」

「你講嘅就啱，我講咩你都話唔好。」



「阿峰啊......」佢挨住我。

「唔要啊。」

「講下之嘛，認真啲玩野餐，你帶我去買衫吖。」

我特登望第邊唔望佢：「我都唔識路，唔知邊度買。」

「唔識咪我陪你去搵囉，啲嘢好重㗎，買完快啲返去啦。」

我攞起啲嘢：「重嘅我嚟啦。」

宛兒搶返：「唔制，我自己攞返。」



「你攰啊。」

「咁你都會攰㗎。」

「嗯......咁好啦，如果隻手痛嘅我呵返。」

…………………….