一個A0毒L和O4女神的故事: 第二章 未聽過毒男會有緣分

第二章 未聽過毒男會有緣分

在強記海鮮火鍋的暗角處，有一張非常隱蔽的四人枱，這是阿康多年來跟他三位老死的聚腳點。雖然阿康異性緣差，沒有異性朋友，但有三位好兄弟，感情要好，就算平時工作有多忙，每個月起碼也會約出來聚會一次。

今晚，四人如常在那張暗角四人圓桌上進行每月的邊爐聚會。

「屌，你俾人拒絕完就算撚數啦，仲講咁多嘢，由得條女俾人中出啦！」Patrick出名爛口，猶其兩杯落肚之後。他是中環一座甲級商廈的保安副主管，為人用情不專，每段感情都不會長久。每次聽到阿康被女玩，他都是第一個直斥阿康的人。

「不如你搵個難度低啲㗎啦，你都係想出pool者，求其搵個拍下散拖，唔好太認真。」家俊是偽毒IT狗一名。跟真毒的阿康相比，雖然樣貌跟阿康差不多，都是中下質素，但他打扮光鮮，儀容整潔，而且口裡經常形容自己為毒L。在這種設定下，反而容易吸引某種女性的憐憫，在情場上屢有斬獲。





「出咩pool吖，你想破處者，求其搵個ptgf，咪解決到囉！Sorry，ptgf都有可能唔接你生意，你知你個樣㗎啦，哈哈！」貌似王宗堯的Dylan，是一名事務律師，三人當中最口賤、說話最不留情面。但他認識阿康最久，和阿康的兄弟情也最深。

雖然阿康剛剛被心儀的女生拒絕，並且被封鎖了WhatsApp﹑Facebook和IG，但三兄弟也沒有放過他，徹底地對他揶揄一番。這是他們四人之間一向的溝通方式，阿康見怪不怪。

阿康：「我想知我係咪冇得救？」

Dylan︰「不如算吧啦，叫你執下個髮型又唔願，叫你買過啲衫又唔肯，叫你出去識多啲朋友、練下同異性嘅溝通技巧你又唔制，成日講埋啲『真愛係唔會介意你呢啲嘢』嘅說話。你收皮啦，晚晚留喺屋企打飛機啦你！」

Dylan對阿康的當頭棒喝，其實也不只是第一次。阿康自幼與母親相依為命，可惜母親於四年前過身，臨終前對阿康說想他成家立室，不想他孤獨終老。既然母親的遺願是想自己能找到伴侶，原本想一世做單身狗的阿康，決定尋覓對象。





阿康相貌平庸，不修篇幅，性格內向，說話沉悶，沒有有趣的嗜好，根本就是女性的絕緣體、旁人眼中的毒L。先不要說拍拖，想找個正常女生跟他做朋友也有困難。

偏偏阿康面皮夠厚，被第一個女生拒絕後，他沒有氣餒，屢敗屢戰，屢戰又屢敗。這三年間，連Jessie在內，已被七位女生狠狠地拒絕，而且成功令每一位女生都討厭他，甚至被其中一位女生玩弄，當了其步兵接近半年，受盡屈辱。

阿康今年已經27歲，莫講話拍拖，連女生的手也沒拖過，現在仍然不懂與異性溝通。

家俊︰「鄧逸康，你再係咁繼續落去，只係會嘗到更多嘅失敗。回頭是岸啦，冇女咪冇女囉，唔好再講呢個係你阿媽嘅遺言喇！」

家俊拍拍阿康，示意阿康要釋懷，但阿康做不到。





**********

阿康回家途中，碰到了住在同一屋邨、認識已久的拾荒者王婆婆。她可算是阿康唯一一個異性朋友，只不過是婆婆級數而已。

王婆婆早年喪偶，成為獨居老人，拾紙皮為生。阿康性格雖毒但其實心地善良，多次主動幫她收拾紙皮，又多次買飯給王婆婆，對她照顧有加，經濟上也常有資助，猶如親人。

王婆婆無兒無女，老來有一個做到她孫兒的人愛錫，她也視阿康為親人。每次見到阿康被女生拒絕，她也盡力開導阿康。

王婆婆：「其實你都唔係好鍾意個女仔者！」

阿康：「吓，點解咁講？」

王婆婆：「見你冇乜難過。」

阿康：「可能俾人拒絕到麻目掛，咁唔代表我唔鍾意佢。」





王婆婆：「康仔，你死鬼老母都唔想見到你依家咁煩惱，你咁刻意去搵對象，只會自討苦吃。有時緣分嚟嘅時候擋都擋唔住，順其自然啦！」

阿康：「我未聽過毒男會有緣分。」

王婆婆：「唉，算啦，冇你符。」

雖然阿康只和王婆婆談了一回，但心情已改善不少。

回家後，阿康立即跳上床上，開了IG，打算看看Jessie的相片，以解慰藉。但他忘記了Jessie已封鎖自己，完全看不到Jessie在IG上的任何東西。他唯有望著那張細小的個人資料相片，呆望接近半小時。

阿康家住一人公屋，一個只有百多呎、連房間都沒有的單位。他的父親在兒時已離家出走，他和母親相依為命多年，直至四年前母親過身，他便搬到此單位獨居。

阿康的家雖小，但配置了一個很大的飾櫃，放滿了他收藏已久的figure公仔，連同一些放在儲物櫃的，大大小小林林總總，總數接近一千隻。





他望向飾櫃，一直注視著一個空出的位置，一套原本有八隻的Marvel限量珍藏版figure、現在只有七隻的情況下空出的位置……