《那一晚，我係舞廳見返初戀姐姐》: （8）

我滿懷疑惑地從冰箱拿出了一枝香檳，卻看到Tiffany 已經準備好兩個酒杯，看來她是早有預謀。把香檳開了之後，我倆碰杯各自喝了一口，卻看到她已經開始有點臉紅。

「姐姐，不如你唔好飲啦，我怕你會醉呀，你平時都唔飲酒既」

「無事無事，我無醉呀，我今日點都要飲少少，你飲多啲」說完便把酒往我的酒杯添得滿滿，便著令我快點喝，我很快便把杯中的酒喝完，卻看到她也把自己杯中的酒喝光。

「好啦，飲完酒啦，你要答我問題啦」卻看到她已經有點醉意，目光有點散亂。

「不如我斟杯水俾你先啦」



「唔洗唔洗，你快啲坐低，唔係我嬲架啦」她同時裝作生氣的樣子。

我安撫著她道：「好，好，我乖乖地坐係到答問題，你問啦」

她又繼續把酒倒進我的酒杯，續道：「你一路飲一路答... 你覺得我靚唔靚呀？」「靚呀」「咁我身材好唔好呀？」「好呀」「咁我性格好唔好呀」「好呀」「咁我有咩唔好呀」「無野唔好，最好既就係你」「你答得咁快係咪敷衍我架」「唔係呀，無敷衍你呀」我每回答一個問題，她就著我喝下一杯酒然後再把酒杯倒滿，就在回答這幾個問題間，酒瓶內的酒亦所剩無幾。

「既然你講到我咁好，咁你係咪鍾意我呀？」「點解鍾意我又唔追我呀？」「點解呀？」「點解你唔答我呀？」Tiffany 這一連串幾個問題令我語塞，她情緒亦有點失控，開始哭了起來。我甚少看到她哭，感覺事情有點不太對勁，急忙坐到她身旁摟住她，安慰著她道：「我當然好鍾意，好鍾意姐姐你啦，你人又好，心地又善良，又煮得一手好餸，樣貌身材都無得頂。你咁完美，我自卑覺得襯唔起你，一直都唔敢追你，怕你會拒絕我，我就唔可以再係身邊保護你，所以只係係你身邊默默咁守護你」說到這裏，她的心情好像有點平伏，哭聲漸細。