《那一晚，我係舞廳見返初戀姐姐》: （12）

重遇Tiffany 已經經過了一個月，一次又一次的期待，換來是一次又一次的失望，Shirley自那次後也從未提及任何有關Tiffany的事。今晚舞廳的熱情並沒有因為疫情而冷卻，狂歡過後，Shirley 一反常態、正經八般的跟我說：「今晚你早啲返去休息，聽日陪我去見人，不過記得要執靚啲，千祈唔好失禮我」

「我好似無應承過你喎，你又知我聽日實有時間？」

「你好似係無工開㗎啵，不過都可以唔黎既，但我保證你一定會後悔」她一副我鐡定會答應的樣子說道。

後悔？這令我非常在意，但背後好像並不簡單，這或許是一個能再見Tiffany的機會，即使有甚麼陷阱，我也必須去闖一闖，便道：「陪下你又無咩損失既，時間地點？」

「十二點維園噴水池等我」



「OK，除左執靚個人，重有無咩要準備？」

「哈哈，似返緊工收我order做野... 無呀，聽日執生啦... 啊，不過聽日唔駛準備呔，我會準備好俾你，著正常黑色西裝白色恤衫就得」

「呢個無問題，咁聽日見咩人？有咩背景？我可以去準備下」 我意圖試探一下問道。

她好像洞察我的心思，便故作神秘的道：「呢層呢，聽日先可以話你知，保持一下神秘感。不過，你聽日既角色係我既私人助理，新請返黎，probation緊」

「老細都既然咁講，我會照做既」



她突然嘆了一口氣，然後道：「我都係鍾意你同我鬥下嘴」