《那一晚，我係舞廳見返初戀姐姐》: （14）

翌日，我西裝筆挺的來到維園，剛踏進公園，便聽到背後有汽車響號聲。回頭一望，便看到Shirley在駕駛座向我招手，於是我迅速的上了副駕駛座。

Shirley 身穿一套黑色的行政套裝，依舊包裹不住她姣好的身材。鬈曲豐盈的髮型為她這身嚴肅的造型添了幾分活力，銀色圈狀的大耳環，在她身上並不誇張，反而顯出那份成熟的美。外套沒有扣上，白色的襯衫露出她性感的鎖骨，安全帶在雙峰中間劃過，配合著在緊身裙下白滑的雙腿，看得令人想入非非。

「未見過靚女揸車呀？望到你眼定定咁」

「靚女揸車就見過，但靚到好似你咁既靚女揸車就未見過啦」

「今日你係我助理喎，咁樣講野啱身份咩？」



「如果唔啱身份，咁我都係唔做你助理啦」

她得意的笑了笑，道：「你把口呀… 條呔係你前面既櫃桶入面，拎出黎戴起佢」

我打開抽屜，拿出一條酒紅色的絲質領呔，在領呔的尾部用灰色的線繡了「LW」兩個字，應是「Leo Wong」我名字的縮寫。

「多謝你送既呢條呔」

「或者一陣你會再多謝我呢」



「多謝？一陣會見到Tiffany ?」我不假思索的吐出了這個話。

「想見到佢呀？會如你所願既，不過重會有其他人啵，只係唔知你會唔會失望啫」

「今日係你助理，如果係失望，應該係永遠都過唔到probation，唔可以再跟你呢個靚老細」

「真係估你唔到，到宜家都識同我講笑，你快啲打好條呔先」