《那一晚，我係舞廳見返初戀姐姐》: （29）

「對唔住囉，不過你根本都無嬲」她在我的胸口親了幾口，然後道：「咁Tiffany 又唔願意落場玩，我又唔可以只係睇住Tiffany，只可以搵你呢個信得過既人陪住佢。不過今日Louis話佢已經知道左件事，但話唔會追究，只要我做返好盤數唔好俾外人查到就得。個日你陪完佢之後，我有嘗試套下Tiffany口風，但佢似乎唔知呢件事，都唔知點解Louis會知道件事」

我終於明白為甚麼當天Shirley走左之後會看著我倆，以及她把我支開之後跟Tiffany的密談。「最緊要既係你無事就得啦」我輕輕拍了拍她的玉背以示安慰，又問道：「咁點解個日你會話你同Tiffany係好朋友呀？好難睇唔出你地其實唔係咁熟」

「咁唔通話俾你知佢可能係查我咩？同埋個時又唔可以話佢係我背後老細既老婆嘛，人地都係想你俾面我落多兩錢肉緊去幫我，話晒當時我都係你米飯班主呀，又點會估到你地有咁既關係，一早就睇穿晒我啲把戲」然後把頭埋在我的胸前，再也不說話。

「咁你重有無咩收得太埋既秘密要講，令自己唔好辛苦呀？如果無既話，就要起身啦」

她抬起頭嫣然一笑道：「原來你有記住人地講既野架...」但隨即撒了撒嬌：「你要走啦？唔好走啦，今晚留係到陪我，我重有好多野想同你講」



「留係到陪你之前唔係應該食啲野先咩，唔起身邊有野食呀，大小姐」

「食左我都唔夠飽咩？」她笑得一副春風得意的樣子。

「我諗應該似係你食左我多啲... 等我填飽個肚之後再填飽你」

「邊個要你填飽呀？」說完便挪開了身子，但卻捉緊了我的手臂。

「起身啦，煮埋野俾你食」