《那一晚，我係舞廳見返初戀姐姐》: （34）

「係Tiffany 唔覺意講左你全名，亦都因為咁俾我查到你既野」他解釋道。

「咁叫返我Leo就得，咁你查到我啲咩呀？同你搵我既事有關？」我單刀直入的問到。

「無錯，兩件事係有關。你當年係美國係最top既電腦工程師，你帶領既團隊成績相當優秀。你同時有份參與研發臉部辨識系統，亦因為咁而擁有專利，賺到一大筆錢。之後你投資左幾間科技公司，宜家應該唔洗再為兩餐而打工，幾年前突然係美國無晒消息，反而返左黎香港，同人夾份開左呢間studio，宜家一直有去Shirley既舞廳做野，我有無講錯？」

「睇黎你都已經查得好清楚，唔通你想搵我做IT project？我諗以Louis你既人脈，係香港搵其他人做都得，唔一定要搵我做。究竟我重有啲咩可以幫到你？」我稍為試探的問道。

「我知道你同Tiffany由細玩到大，係Tiffany未嫁俾我之前，你地本身應該係一對，你返黎既目的其實係要搵Tiffany，我講得啱唔啱？」他一副咄咄逼人的語氣問道。



「呢啲相信只係你既猜測黎，Louis，你應該好忙架，不如你直接啲講你究竟想點，唔好再晒大家時間」我決定不作無謂的解釋，跟他速戰速決。

「爽快，Shirley睇得上眼既人果然有返咁上下。雖然我應要俾啲面Shirley，唔應該對你落手，但你始終係最佳人選…」

「客氣既說話就唔駛再講咁多，亦都唔洗俾咁多高帽我戴，我唔受呢套」我斬釘截鐵的打斷了他。

「好啦，咁我直接啲講，我想搵你借種生仔」他投下了這驚人的一句。