《那一晚，我係舞廳見返初戀姐姐》: （36）

「十年前左右，外父既公司有啲資金問題，而我屋企既公司咁啱想係呢個範疇發展，公司亦都搵緊相關既公司注資入股。

咁啱有一日，我上佢地公司既時候傾融資合作，係Tiffany呢個太子女負責招呼我，佢竟然無咩機心咁將公司既財政狀況話俾我知。

其實以佢既性格其實唔適合做呢啲工作，但我可能就係因為咁而對佢一見鍾情。」

說到這裏的時候，Louis 笑了一笑，彷彿沉醉當日既情境。

「過左無幾耐，公司都對注資邊間公司有左初步既決定，並唔打算揀外父既公司。我當時做左一個我唔會後悔既決定，但係傷害左Tiffany，因為我有一種想將佢佔有的諗法。





我約左Tiffany出黎，話左俾佢知我公司既決定，但亦都話俾佢知我另外有辦法可以有資金注資外父既公司，條件係佢要嫁俾我，因為只要我結婚，就可以有一筆禮金俾外父佢用落公司到。

佢猶疑左幾日之後答應左我，但係要俾啲時間佢去處理啲事，同埋要搵一個地方俾佢搬過去住。我都應承左佢，只要佢幾時準備好話我知就得。過左無幾耐，我地就結左婚，亦都係新婚個晚，我話左我一個秘密俾佢知…」

這時，他已經沒有笑容，反而臉上帶著一絲的愧疚。