《那一晚，我係舞廳見返初戀姐姐》: （42）

「姐姐，呢件事我可唔可以拒絕？我唔希望姐姐繼續咁樣落去，而且就算生得成，呢件事都會變成你地心入面既一條刺」這麼多年來，我大都順著Tiffany的意思，甚少會拒絕她的請求。

「小司，我明白你既好意，我青春既日子已經過左去，有左BB之後更加會全副心思擺晒落去。其實係我提議咁做…」

「吓？咩話？」我一副驚訝的表情看着Tiffany。

「只要我以Louis老婆既身份生左BB，Louis 屋企會好好照顧呢個B，Louis又可以去繼承公司，亦應承左會繼續對我好，而最重要既係呢個BB係我為左你而生」

我搖了搖頭，道：「比起有BB，我更加想要你，你先係最重要」



「可能我咁樣做係好任性，我想為我地呢段愛情留一個見證，而且我想你永遠記住我，等我遲啲老左，你都一定會返黎搵返我，因為我地重有個B」

「就算無個B，我都一定會記住姐姐你，不如你跟我走」

「小司，不如你應承姐姐啦」Tiffany 把頭放在我肩上，欲淚盈眶的望着我。

「姐姐，呢件事唔值得你咁樣做」

「愛並唔係值唔值得，而係願唔願意，所以係我·願·意」



看到她一臉正經的模樣，也知道她那倔強的性格，即使在心中盤算了很多，但也想不出甚麼好點子說服她，唯有點了點頭，默許了姐姐的建議，姐姐把我抱緊，帶點激動的道：「多謝你，小司」

「姐姐，應該係我多謝你先啱」我也緊緊的抱緊她。