回到過去，破我未婚妻個處: （38）

我衝入後樓梯，由七樓一直跑落到地下，沿住亞皆老街起勢直奔。

呢兩個禮拜學左打籃球，技術就學唔到乜，但體能就好左。

以前我跑一分鐘就喘氣，今日我一口跑左五分鐘，可惜仍未擺脫到後面班人。

我跑到氣咳，對腳開始無力，個人開始攰，心諗點解班古惑仔咁好氣，追左九條街都仲繼續追。

佢地追越越近，我就越跑越慢。



情急之下，見路邊停左架巴士，我無理咁多，跳上巴士。

「司…司機…快…」

我想叫司機快開車，只係條氣喘到講唔到嘢。

班古惑仔逼近巴士，車門慢慢合上。

只差一秒，我就要俾佢地捉返去斬斷雙手。



有驚無險，總算大步檻過，逃過一劫。

我是但揾個位坐低，抖順條氣，一路都無留意架車去邊。

直到架車上左青葵公路，我先知架巴士係機場快線。

算啦，去邊都唔緊要，執返條命仔都算還得神落，反正成個計劃已經衰左。

衰到貼地嗰隻。



前前後後，加加埋埋，試左四次都破唔到Veronica個處，我真係好無用。

唉...

心感沮喪嘅我只能無奈歎氣。

入到機場，我都費事曬錢搭車返出市區。

時間過左十二點。

Kevin同Veronica嘅「肉搏」場面再一次浮現眼前。

穿越四次，衰左四次，睇左四次未婚妻俾第二個男人破處嘅場面，每一次感覺都唔同。

第一次係驚訝，第二次係眼冤，第三次係無奈，呢次第四次睇到開始有啲麻木。



當畫面消失，強烈白光便迎面撲來。

「鈴—鈴—鈴—」

聽到床邊嘅電話鬧鐘，我睜開眼，又從穿越嘅世界歸來。
 
九龍灣，某間婚影studio。

上個禮拜Veronica約左我呢日嚟呢度影婚紗相。

佢著上純白高貴婚紗，我就著住全套西裝搭煲tie，我兩個對住鏡頭，擺出各種姿勢。

影完一輯相，攝影師提議女方換套中式裙褂，搭住著西裝嘅我影多套中西合璧style嘅相。



於是Veronica揀套裙褂入更衣室更換，我就坐喺出面等。

「滋滋—滋滋滋—」

我坐喺度㩒緊電話，聽到隔籬Veronica個手袋，傳出滋滋聲。

佢部電話喺度震，有人打俾佢。

我無理到，繼續玩自己部電話，過左一陣，部機又喺度震。

八卦嘅我摷佢手袋，睄下邊個打俾佢。

未摷到部機出嚟，反而摷到佢個袋入面有一盒condom。

岡本？我平時唔係用呢隻架喎，因乜事佢個袋有盒咁嘅安全套？



「滋滋—滋滋滋—」部機震動不停。

我拎上手望一眼，來電顯示寫住「同事Emily」。

佢個同事call得佢咁急，話唔定公司緊要事，所以擅自幫佢接聽，睇下咩事。

「喂~你做緊咩呀~咁耐都唔聽電話嘅？」

Emily係一個女仔名，但點解講嘢嘅係一把男人聲？

「Hello？唔出聲嘅你？」

「請問你係咪Veronica嘅同事，你係咪有事揾佢…」



「嘟…嘟…」下一秒對方就收左線。

「輝輝，你做咩拎住我部電話嘅？」Veronica換上紅色裙褂行出更衣室。

「Er…啱先見你個同事不斷打過嚟，以為佢揾你有急事，咁咪幫你聽下。」

「有無搞錯，你點可以立亂聽人電話？」佢一手搶返部電話。

「Sorry，係我唔啱，只不過，打俾你個同事明明叫Emily，但唔知點解係把男人聲嚟？」

「哦...呢個...就係因為...Emily係TB嚟。」

Veronica塞返部電話入手袋：「佢把聲好沉，我地公司啲人個個都話佢係男人聲，佢打過嚟有無講咩？」

「無喎 ，佢問你做緊咩，我後尾一開聲佢就收左線，係啦，點解你個袋入面收埋左盒condom嘅？」最後嗰個字我降低聲量咁講。

「Condom？哦哦哦！你講緊嗰盒呀，早排見七仔大減價，咪買返盒俾你試下好唔好用囉。」

「原來係買俾我，咁你幾時同我用啫？」我起身面對面抱住佢條腰。

「喂呀，好多人望住架。」佢有啲唔好意思。

「擇日不如撞日，一於就今晚啦，計落我地都成個月無咩啦。」

諗返起又真係，呢排我掛住穿越過去，諗辦法破Veronica個處，對方又忙住打點結婚嘅嘢，我兩個又真係成個月無搞嘢。

睇住Kevin破處破左四次，自己就食左一個月齋，點講都講唔過去。

唔得！今晚一定要搞搞佢。