念念不忘 都冇迴響: 緣分

名義上我地係好朋友，真係好好嘅朋友。

同好多老土嘅中學友誼故事一樣，我地系機緣巧合之下成為左朋友。

中三果年學期，個老師將個編排好嘅座位表投影上個大螢幕，全班聚精會神，開始搵自己個名，仲要最重要，隔離位個人個名。雖然好幼稚，但係調位可以話係非常重要，同桌係同你日對夜對嘅人，上堂有幾多樂趣都好視乎你有個點嘅同桌，同到自己朋友坐附近就當然好，但坐唔到都想有個正正常常嘅同桌，有機會仲可以做埋friend添。

「遊爍嵐」，一個同我已經同班左兩年，但冇乜交接嘅人。我好自然咁望向佢個方向，好自然佢都望緊我。我地大家笑笑，都笑得幾開心。

後尾我問講返起都覺得奇怪，明明本來都唔太熟，點解可以一齊坐，大家都幾開心。



係囉，奇怪。