念念不忘 都冇迴響: 瑣碎 一

中四果年果班主任係教中文嘅，佢好鍾意每次中文評估之後就跟中文成績分組調位，咁我同遊爍嵐補左咁多習，中文成績都算唔錯，對於從來都冇機會調位調到一齊坐，而我都因為每次調位而認識左好多新朋友。雖然平日上堂冇乜直接接觸，不過成個中四記憶裡面有好多零零碎碎嘅片段，雖然拼湊唔出一個完整嘅我地，但對我而言依然好珍貴。

記得有一次體育堂果陣要打數字球，我三步之內要掟中一個人，如果唔係下輪就要做鬼。同我距離最近嘅咁啱就係遊爍嵐，依照常理我都唔會去掟佢啦。點知平日都知我對邱爍嵐特別好嘅李姿穎多口講左句：

「邱宇徽點會捨得掟遊爍嵐呀？」

搞到成件事又好明顯，我就唯有掟佢啦，不過個球速超級慢，個方向又錯錯地，遊爍嵐輕輕一躲就避開左，唔知去知唔知我特等啦不過。

而李姿穎知我對遊爍嵐好，我估同一次lunchtime有關。



果次佢同遊爍嵐一左一右背對籃球場食飯，而我就同陳珊蕾平排坐啦。食食下飯突然有個排球由左邊飛過嚟，果陣我反應夠快，立即擋住左遊爍嵐，但係個問題係遊爍嵐其實坐右邊，個波理論上根本唔會掂到佢，反而李姿穎就食左波餅，我對此係深感抱歉嘅。